ନୂଆଦିଲ୍ଲୀ: ଆଇପିଏଲ୍ ୨୦୨୪ର ଟ୍ରଫି ଜିତିବା ପରେ ଗୌତମ ଗମ୍ଭୀରଙ୍କ ପ୍ରଥମ ପ୍ରତିକ୍ରିୟା ସାମନାକୁ ଆସିଛି । ଏଥିରେ ଗୌତମ ଗମ୍ଭୀର କେକେଆରର ପ୍ରତିଟି ଖେଳାଳିଙ୍କୁ ପ୍ରଶଂସା କରିଛନ୍ତି । ଗମ୍ଭୀର କହିଛନ୍ତି ଯେ ମାର୍ଚ୍ଚ ୧୫ରେ ଯାହା ମୁଁ ନିଜ ଟିମକୁ କହିଥିଲି, ମୁଁ ବିଶ୍ୱାସ କରେ ଯେ ଅନ୍ୟ ୯ ମେଣ୍ଟର ମଧ୍ୟ ନିଜ ଟିମକୁ ତାହା ହିଁ କହିଥିବେ । ସମସ୍ତେ ମେ ୨୬ରେ ଫାଇନାଲ ଖେଳିବାକୁ ଚାହୁଁଥିଲେ । କିନ୍ତୁ ମୋର କହିବାଠାରୁ ଅଧିକ ଗୁରୁତ୍ୱପୂର୍ଣ୍ଣ ହେଉଛି ଖେଳାଳିଙ୍କ ରେସପନ୍ସ । ଯେଉଁ ସଚ୍ଚୋଟ ମନୋଭାବ ସହ ଖେଳାଳି ପରିଶ୍ରମ କରିଛନ୍ତି, ତାହା ହିଁ ଆମକୁ ଏହି ଟୁର୍ଣ୍ଣାମେଣ୍ଟ ଜିତାଇଛି । ଉଲ୍ଲେଖଯୋଗ୍ୟ ଯେ ଗୌତମ ଗମ୍ଭୀରଙ୍କ ମେଣ୍ଟରଶିପରେ କେକେଆର ୧୦ ବର୍ଷ ପରେ ଆଇପିଏଲ ଜିତିବାରେ ସଫଳ ହେଲା । ଏଥିପାଇଁ ଗୌତମ ଗମ୍ଭୀରଙ୍କୁ ବେଶ ପ୍ରଶଂସା କରାଯାଉଛି । କିନ୍ତୁ ଗମ୍ଭୀର ନିଜେ ଏହି ବିଜୟର କ୍ରେଡିଟ୍ ନେବାକୁ ମନା କରିଛନ୍ତି ।
ଗୌତମ ଗମ୍ଭୀର ନିଜ ବୟାନରେ ଭାଗ୍ୟର କଥା ମଧ୍ୟ ଉଲ୍ଲେଖ କରିଛନ୍ତି । ସେ ପରିଶ୍ରମ ଏବଂ ଭାଗ୍ୟର ସଂଯୋଗ ବି କରିଛନ୍ତି । କେକେଆର ମେଣ୍ଟର କହିଛନ୍ତି ଯେ ବାସ୍ତବତା ଏହା ଯେ ଯଦି ଆପଣ ସଚ୍ଚୋଟତା ସହ ଝାଳ ବୁହାଇଛନ୍ତି, ସେତେବେଳେ ଯେଉଁ ପଏଣ୍ଟ ୱାନ ଭାଗ୍ୟ ହୋଇଥାଏ ତାହା ମଧ୍ୟ ଆପଣଙ୍କ ସାହାଯ୍ୟ କରିବ । ଏହାସହ ଗୌତମ କହିଛନ୍ତି ଯେ ଯୋ କୁହାଯାଏ ଏହା ମେଣ୍ଟରଙ୍କ ଟିମ୍, ଏହା କ୍ୟାପ୍ଟେନଙ୍କ ଟିମ୍, ଏହା ଖେଳାଳିଙ୍କ ଟିମ୍ । ପ୍ରକୃତରେ ଏମାନଙ୍କ ପୂର୍ବରୁ ଆମ ଟିମ୍ ଫ୍ୟାନ୍ସଙ୍କ ଟିମ୍ ।
Gautam Gambhir walks his talk. Yet again doesn’t take the credit that the players and fans are giving him. Says it’s purely the players’ hard work and performances they have given throughout the tournament!
— Team Gautam Gambhir (@gautamgambhir97) May 27, 2024
HE ALWAYS CREDITS EVERYONE! 💜 pic.twitter.com/mUTj5JSAmh
ଉଲ୍ଲେଖଯୋଗ୍ୟ ଯେ କେକେଆର ବୋଲରଙ୍କ ଭଲ ପ୍ରଦର୍ଶନ ଏବଂ ଭେଙ୍କଟେଶ ଆୟରଙ୍କ ଅପରାଜିତ ଅର୍ଦ୍ଧଶତକ ପାଳି ଯୋଗୁଁ ରବିବାର ଆପିଏଲ ୨୦୨୪ରେ ଏକତରଫା ଫାଇନାଲ ଜିତିବାରେ ସଫଳ ହୋଇଥିଲା । କେକେଆର ଗୌତମ ଗମ୍ଭୀରଙ୍କ କ୍ୟାପ୍ଟେନ୍ସିରେ ୨୦୧୨ ଏବଂ ୨୦୧୪ରେ ଆଇପିଏଲ୍ ଟ୍ରଫି ଜିତିଥିଲା । ଏଥର ଗୁରୁ ଗମ୍ଭୀର କୁଶଳ ରଣନୀତିକାର ରୂପେ କେକେଆରକୁ ତୃତୀୟ ଟ୍ରଫି ଜିତାଇଛନ୍ତି ।
