ନୂଆଦିଲ୍ଲୀ: ଗୌତମ ଆଦାନୀଙ୍କ ଗ୍ରୁପ ପାଇଁ ବୁଧବାର ବିପର୍ଯ୍ୟୟ ଆଣିଥିଲା । ଗ୍ରୁପର ତାଲିକାଭୁକ୍ତ ସମସ୍ତ ୭ କମ୍ପାନିର ବଣ୍ଡ ଏବଂ ସେୟାର ମୂଲ୍ୟରେ ହ୍ରାସ ଦେଖିବାକୁ ମିଳିଥିଲା । ଏହାସହ ଗୌତମ ଆଦାନୀଙ୍କ ସମ୍ପତ୍ତି ଗୋଟିଏ ଝଟକାରେ ୪୮,୦୦୦ କୋଟି କମ ହୋଇଛି । ଆମେରିକାର ହିଡେନବର୍ଗ ରିସର୍ଚ୍ଚର ଏକ ରିପୋର୍ଟ ପରେ ଆଦାନୀ ଗ୍ରୁପକୁ ଏହି ଝଟକା ଲାଗିଛି । ଉଲ୍ଲେଖଯୋଗ୍ୟ ଯେ ଏହି ରିପୋର୍ଟରେ ଆଦାନୀ ଗ୍ରୁପ ବିଷୟରେ ଅନେକ ନକାରାତ୍ମକ ଟିପ୍ପଣୀ କରାଯାଇଥିଲା । ଏହି ରିପୋର୍ଟର ପ୍ରଭାବ ଗ୍ରୁପର ନିବେଶକଙ୍କ ଠାରୁ ଆରମ୍ଭ ଗୌତମ ଆଦାନୀଙ୍କ ପଡିଛି ।

ବ୍ଲୁମବର୍ଗ ବିଲେନିୟର୍ସ ସୂଚକାଙ୍କ ଅନୁସାରେ, ଗୌତମ ଆଦାନୀଙ୍କୁ ଗୋଟିଏ ଦିନରେ ୬ ବିଲିୟନ ଡଲାର (ପ୍ରାୟ ୪୮,୦୦୦ କୋଟି ଟଙ୍କା) କ୍ଷତି ହୋଇଛି । ୨୦୨୩ ଜାନୁଆରୀ ୨୬ରେ ତାଙ୍କର ମୋଟ ସମ୍ପତ୍ତି ବର୍ତ୍ତମାନ ସମୟରେ ୧୧୩ ବିଲିୟନ ଡଲାର ରହିଛି । ଗୌତମ ଆଦାନୀ ଏହି ଲିଷ୍ଟର ଚତୁର୍ଥ ସ୍ଥାନରେ ଅଛନ୍ତି । ଉଲ୍ଲେଖଯୋଗ୍ୟ ଯେ ବ୍ଲୁମବର୍ଗ ବିଲେନିୟର ସୂଚକାଙ୍କ ୫୦୦ ସବୁଠୁ ଧନୀ ବ୍ୟକ୍ତିଙ୍କ ପ୍ରତିଦିନ ରାଙ୍କିଂ ଅପଡେଟ୍ କରିଥାଏ ।

ଫରେନସିକ ଫାଇନାନସିଆଲ ରିସର୍ଚ୍ଚ ଫାର୍ମ ହିଡେନବର୍ଗ ନିଜର ରିପୋର୍ଟରେ ଦାବି କରିଛି ଯେ ଆଦାନୀ ଗ୍ରୁପର କମ୍ପାନି ଗୁଡିକର ସେୟାର ଭେଲ୍ୟୁସନରେ ଘୋଟାଲା କରାଯାଇଛି । ଗ୍ରୁପର ସେୟାରକୁ ୮୫ ପ୍ରତିଶତ ଅଧିକ ଓଭରଭେଲ୍ୟୁଡ୍ କୁହାଯାଇଛି । ରିପୋର୍ଟ ଅନୁସାରେ, ଆଦାନୀ ଗ୍ରୁପର ପ୍ରମୁଖ ଲିଷ୍ଟେଡ୍ କମ୍ପାନି ଲୋନ ନେଇଛନ୍ତି । ଅନ୍ୟପଟେ ସେୟାରକୁ ବନ୍ଧକ ରଖି ଗ୍ରୁପର ଗ୍ରସ ଫାଇନାନସିଆଲ କଣ୍ଡିସନକୁ ବିପଦରେ ପକାଇଛି । ଉଲ୍ଲେଖଯୋଗ୍ୟ ଯେ ଆଦାନୀ ଏଣ୍ଟରପ୍ରାଇଜେସ ଏଫସିଓ ଜରିଆରେ ୨.୫ ବିଲିୟନ ଡଲାର ଏକାଠି କରିବା ନେଇ ଲକ୍ଷ୍ୟ ରଖିଛି । ତେବେ ଏହା ପୂର୍ବରୁ ହିଡେନବର୍ଗର ଏହି ରିପୋର୍ଟକୁ ନେଇ ବଡ଼ ବିତର୍କ ଆରମ୍ଭ ହୋଇଛି ।