ବାରଙ୍ଗ ୨୯।୭: ୱାଟକୋ ଭାଙ୍ଗିଲା ଗେଲ୍ ଇଣ୍ଡିଆ ଗ୍ୟାସ୍ ପାଇପ୍ ଲାଇନ୍ । ପାଣି ପାଇପ୍ ପାଇଁ ଗାତ ଖୋଳୁ ଖୋଳୁ ଫାଟିଲା ଗ୍ୟାସ୍ ପାଇପ୍ । ଗ୍ୟାସ୍ ଲିକ୍ ପରେ ଏକ ଘଣ୍ଟା ଧରି ଭୟରେ ରହିଲେ ଅଞ୍ଚଳବାସୀ ।

ସୂଚନାଯୋଗ୍ୟ ଯେ, ଭୁବନେଶ୍ବର ସୈନିକ ସ୍କୁଲ ମୁଖ୍ୟ ଫାଟକ ସମ୍ମୁଖରେ ୱାଟକୋ ପାଣି ପାଇପ୍ କାମ କରୁଥିବା ବେଳେ ବିସ୍ଫୋରଣ ହୋଇଛି । ଜେସିବି ଖୋଳିବା ସମୟରେ ମଝିରୁ ଫାଟିଥିଲା ଗେଲ୍ ଇଣ୍ଡିଆର ଗ୍ୟାସ୍ ପାଇପ୍ ଲାଇନ୍ । ଫଳରେ ଦୀର୍ଘ ୧ ଘଣ୍ଟା ଧରି ପାଇପ୍‌ରୁ ଗ୍ୟାସ୍ ଲିକ୍ ହୋଇ ଚାରିଆଡ଼େ ବ୍ୟାପିଥିଲା । ଏନେଇ ଗେଲ୍ ଇଣ୍ଡିଆ ଅଧିକାରୀମାନେ ଏମର୍ଜେନ୍ସୀ ରେସପନ୍ସ ଭେହିକିଲ ଡାକି ପାଇପ୍ ଲାଇନ୍ ମରାମତି କରିବା ସହ ସ୍ଥାନୀୟ ଲୋକେ ମୈତ୍ରୀବିହାର ପୋଲିସକୁ ଖବର ଦେଇଥିଲେ । ଘଟଣାରେ କୌଣସି କ୍ଷୟକ୍ଷତି ହୋଇନଥିବା ବେଳେ ୱାଟକୋର ଅବହେଳା ଯୋଗୁଁ ଏପରି ଘଟଣା ଘଟିଥିବା କିଛି ପ୍ରତ୍ୟେକ୍ଷଦର୍ଶୀ କହିଛନ୍ତି । ଯାହାର ତଦନ୍ତ କରୁଛି ପୋଲିସ ।

You Can Read :