ବାଲିପାଟଣା, ୨୫|୦୭: ନିଆଁ ଲିଭାଉ ଲିଭାଉ ବିସ୍ପୋରଣ ହେଲା ଗ୍ୟାସ୍ ଟାଙ୍କି । ଅଳ୍ପକେ ରକ୍ଷା ପାଇଲେ ସ୍ଥାନୀୟ ଲୋକଙ୍କ ସହ ଅଗ୍ନିଶମ କର୍ମଚାରୀ । ଏପିର ଅଭାବନୀୟ ଘଟଣା ଘଟିଛି ଭୁବନେଶ୍ଵର ଗ୍ୟାରେଜ ଛକ କେନାଲବନ୍ଧ ବସ୍ତିରେ ।
ସୂଚନାନୁସାରେ, କେନାଲବନ୍ଧ ବସ୍ତିରେ ଜନୈକ ବ୍ୟକ୍ତିଙ୍କ ଘରେ ଶୁକ୍ରବାର ବିଳମ୍ବିତ ରାତ୍ରି ରେ ନିଆଁ ଲାଗିଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଞ୍ଚି ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ । ଘର ଭିତରେ ଏକ ଗ୍ୟାସ୍ ଟାଙ୍କି ଥିବା ଜାଣିବା ପରେ ସେ ସ୍ଥାନରୁ ଦେଖଣାହାରୀଙ୍କୁ ଦୂରେଇ ଯିବାକୁ କହିଥିଲେ । କିଛି ସମୟ ପରେରେ ଗ୍ୟାସ୍ ଟାଙ୍କିଟି ଭୟଙ୍କର ଭାବରେ ବିସ୍ଫୋରଣ ହୋଇଥିଲା ।
ତେବେ ସତର୍କତା ଯୋଗୁ ବିସ୍ଫୋରଣରେ କାହାରି କିଛି କ୍ଷତି ହୋଇନାହିଁ । ମାତ୍ର ଅଗ୍ନିକାଣ୍ଡରେ ତିନି ବଖରା ଘର ପୋଡି କ୍ଷତିଗ୍ରସ୍ତ ହୋଇଥିବା ଜଣାପଡିଛି ।
