Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ଟମାଟୋ ଓ ପିଆଜକୁ ନେଇ ହଇଚଇ ହେଲେ ରସୁଣ ପ୍ରତି କାହାର ନଜର ନାହିଁ, ଜାଣନ୍ତୁ ଦିଲ୍ଲୀରେ ଦର କେତେ

13/10/2019 at 8:46 PM

ନୂଆଦିଲ୍ଲୀ:  ଦେଶରେ ପନିପରିବାର ଦରବୃଦ୍ଧି ଏବେ ଚିନ୍ତାର କାରଣ ପାଲଟିଛି। ଲଗାଣ ବର୍ଷା ଯୋଗୁ ଯୋଗାଣ ପ୍ରଭାବିତ ହୋଇଥିଲା। ଏଣୁ ରାଜଧାନୀ ଦିଲ୍ଲୀ ସମେତ ଅନେକ ସ୍ଥାନରେ ପନିପରିବା ମୂଲ୍ୟ ବୃଦ୍ଧି ପରିସ୍ଥିତି ଉପୁଜିଥିଲା। କିଛି ଦିନ ପୂର୍ବରୁ ପିଆଜ ଦର ଆକାଶ ଛୁଇଁ ଥିବା ବେଳେ ନିକଟରେ ଟମାଟୋ ପ୍ରତି କେଜି ୬୦ରୁ ୮୦ ଟଙ୍କାକୁ ପହଞ୍ଚିବା ଗଣମାଧ୍ୟମରେ ହଟଚମଟ ସୃଷ୍ଟି କରିଥିଲା। ହେଲେ ମସଲା ଭାବେ ପିଆଜ ସହ ଆବଶ୍ୟକ ହେଉଥିବା ଅନ୍ୟ ଏକ ପରିବା ରସୁଣ କଥା ସମସ୍ତେ ଭୁଲିଯାଇଛନ୍ତି। ରାଜଧାନୀ ଦିଲ୍ଲୀରେ ରସୁଣ ଦର ଜାଣିଲେ ଆପଣଙ୍କ ଆଖି ବି ଟେକି ହୋଇଯିବ।

ଦିଲ୍ଲୀ ପରିବା ବଜାରରେ ଏବେ ପ୍ରତି କେଜି ରସୁଣ ୩ଶହ ଟଙ୍କା ଦରରେ ବିକ୍ରି ହେଉଛି। ଯାହା ଦେଶର ଅନ୍ୟ ରାଜ୍ୟମାନଙ୍କ ତୁଳନାରେ ଢେର ଅଧିକ। କିଛି ଦିନ ପୂର୍ବରୁ ଏଠାରେ ରସୁଣ ୧୫୦ରୁ ୨ଶହ ଟଙ୍କାରେ ମିଳୁଥିଲା। ହେଲେ ବଜାରର ନଜର ପିଆଜ ଓ ଟମାଟୋ ଉପରେ ଥିବା ଯୋଗୁ ରସୁଣର ଚର୍ଚ୍ଚା ହେଉ ନଥିଲା। ହେଲେ ଇତିମଧ୍ୟରେ ରାଜଧାନୀରେ ରସୁଣ କେଜି ପିଛା ମୂଲ୍ୟ ୩ଶହ ଟଙ୍କାରେ ପହଞ୍ଚି ସାରିଥିବା ବେଳେ ଲୋକେ ତରକାରି କଥା ଭୁଲିଗଲେଣି।

ଗତ ବର୍ଷ ଅପେକ୍ଷା ଚଳିତବର୍ଷ ଦେଶରେ ରସୁଣ ଉତ୍ପାଦନ ୭୬ ପ୍ରତିଶତ ଅଧିକ ଥିଲା। ଏହା ସତ୍ତ୍ୱେ ଦରବୃଦ୍ଧି ଏବେ ଚିନ୍ତାର କାରଣ ପାଲଟିଛି। ଏ ସମ୍ପର୍କରେ ଅନୁଧ୍ୟାନ ବେଳେ ବର୍ଷା ଯୋଗୁ ରସୁଣ ଷ୍ଟକ୍ ରେ ପାଣି ପଶି ନଷ୍ଟ ହୋଇଯାଇଥିବା ପାଇକାରୀ ବ୍ୟବସାୟୀମାନେ କହିଛନ୍ତି। ସେପଟେ ଯୋଗାଣ ପହଞ୍ଚୁନଥିବାରୁ ଖାଉଟି ଏଭଳି ଦରବୃଦ୍ଧିର ସମ୍ମୁଖୀନ ହୋଇଥିବା ଜଣାପଡିଛି।

   Related Posts