ବାଲିଗୁଡା ୦୧/୦୬: କାର ସହ ଗଂଜେଇ ଜବତ ତିନି ଗିରଫ । ୩ ଅନ୍ତଃ ରାଜ୍ୟ ଗଂଜେଇ ମାଫିଆଙ୍କୁ ଗିରଫ କରିଛି ପୋଲିସ । ଏମାନେ ହେଲେ ଗଞ୍ଜାମ ଅଞ୍ଚଳର ଖାଣ୍ଡୁ ପ୍ରଧାନ, ରଞ୍ଜନ ମହାରଣା ଏବଂ କନ୍ଧମାଳ ଜିଲ୍ଲା କ. ନୂଆଗାଁ ଅଞ୍ଚଳ ର ବାଲ୍ମୀକି ପ୍ରଧାନ ।

ସୂଚନା ଥାଉକି, ବିଳମ୍ୱିତ ରାତିରେ ପୋଲିସର ପାଟ୍ରୋଲିଂ ଚାଲିଥିଲା । ପୂର୍ବ ସୂଚନା ଅନୁଯାୟୀ ବାଦେକେତା ନିକଟରୁ ସୁଇପ ଡିଜାଇର କାର୍‌ରେ ୨୬ କିଲୋଗ୍ରାମ ପାଞ୍ଚସହ ଗ୍ରାମ ଗଂଜେଇ ଜବତ କରିଛି ପୋଲିସ । ତେବେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏହାସହ ବାଲିଗୁଡା ଥାନାରେ ଏନ. ଡି. ପି. ଏସ ଆକ୍ଟ ରେ ମାମଲା ରୁଜୁ ହୋଇଥିବା କହିଛନ୍ତି ଥାନା ଅଧିକାରୀ ବାବା ଶଙ୍କର ସରାଫ l