ମୋହନା ୩୦।୯: ଚୋରା ଚାଲାଣ ବେଳେ ଗଞ୍ଜେଇ ଜବତ । ଗଜପତି ଜିଲ୍ଲା ମୋହନା ଥାନା ରାଇସିଂ ଛକରେ ଚୋରା ଚାଲାଣ ବେଳେ ଚଢାଉ କରି ୫ କ୍ବିଣ୍ଟାଲ ୭୮ କେ.ଜି. ଗଞ୍ଜେଇ ସହ ଟ୍ରକ୍ ଜବତ କରିଛି ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ ୩୦ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡିଛି ।
{"id":336383,"sizeSlug":"large"}![](https://www.prameyanews7.com/wp-content/uploads/2020/09/Mohana-PS.jpg)
ଏହାସହ ଘଟଣାରେ ଦୁଇ ଜଣଙ୍କୁ ଗିରଫ ମଧ୍ୟ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ବିହାରର ବୀରେନ୍ଦ୍ର ଯାଦବ ଓ ରୂପେଶ କୁମାର ଯାଦବ । ଟ୍ରକଟି ଅଡବା ଥାନା ବିରିକୋଟ ଅଞ୍ଚଳରୁ ଆସୁଥିଲା । ସେହି ସମୟରେ ମୋହନା ଥାନା ପୋଲିସ ପକ୍ଷରୁ ରାଇସିଂ ଛକରେ ପାଟ୍ରୋଲିଂ ଚାଲିଥିଲା । ଟ୍ରକ୍ ଯାଞ୍ଚ ବେଳେ ୨୨ ବସ୍ତା ଗଞ୍ଜେଇ ଜବତ ହୋଇଥିଲା ।
{"id":336384,"sizeSlug":"large"}![](https://www.prameyanews7.com/wp-content/uploads/2020/09/5-27.jpg)
ଏହି ଗଞ୍ଜେଇ ବିରିକୋଟ ଅଞ୍ଚଳରୁ ବିହାର ଚାଲାଣ ହେଉଥିଲା ବୋଲି ପୋଲିସ ଜାଣିବାକୁ ପାଇଛି । ମୋହନା ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି ।