ଯାଜପୁର ୨୩।୭: ଯାଜପୁର ଜିଲ୍ଲା କୁଆଖିଆ ଥାନା କୃଷ୍ଣପଡ଼ା ଛକ ନିକଟରୁ ୧୮ କେଜି ଗଞ୍ଜେଇ ଜବତ କରାଯାଇଛି। ଏଥିରେ ସମ୍ପୃକ୍ତ ୨ ଅଭିଯୁକ୍ତଙ୍କୁ ପୋଲିସ ଗିରଫ କରିଥିବା ବେଳେ ସେମାନଙ୍କ ନିକଟରୁ ନଗଦ ୧୧ ହଜାର ୫୯୦ ଟଙ୍କା ଓ ଏକ ହୋଣ୍ଡା ଆକ୍ଟିଭା ଗାଡ଼ି ଜବତ କରିଛି । ଗିରଫ ଅଭିଯୁକ୍ତମାନେ ସ୍ଥାନୀୟ ଗରୁଆଳ ଗ୍ରାମର ରାଜକିଶୋର ସାହୁ ଓ ଡିହକୁରାସଂ ଗ୍ରାମର ଜଗମୋହନ ପଣ୍ଡା ବୋଲି ଜଣାପଡିଛି। ଶୁକ୍ରବାର ଅପରାହ୍ନରେଏମାନଙ୍କୁ କୋର୍ଟ ଚାଲାଣ କରାଯିବ।
ସୂଚନାଯୋଗ୍ୟ ଯେ, ବେଆଇନ ଗଞ୍ଜେଇ କାରବାର ହେଉଥିବା ନେଇ ବିଶେଷ ସୂତ୍ରରୁ ଖବର ପାଇ କୁଆଖିଆ ପୋଲିସର ଏକ ଟିମ୍ କୃଷ୍ଣପଡ଼ା ଛକରେ ଜଗି ରହିଥିଲା । ଏହି ସମୟରେ ଏକ ହୋଣ୍ଡା ଆକ୍ଟିଭା ଗାଡ଼ିରେ ଗଞ୍ଜେଇ ନେଇ ଯାଉଥିବା ୨ ଅଭିଯୁକ୍ତଙ୍କୁ ପୋଲିସ କାବୁ କରିବା ସହ ସେମାନଙ୍କ ନିକଟରୁ ୧୮ କେଜି ଗଞ୍ଜେଇ ଜବତ କରିଛି ପୋଲିସ ।