ଲମତାପୁଟ,୦୮/୦୬: ପାଡୁଆ ପୋଲିସକୁ ବଡ ସଫଳତା । ଓଡ଼ିଶା ଆନ୍ଧରପ୍ରଦେଶରର ସୀମାନ୍ତରୁ ନବରଙ୍ଗପୁର ଗଞ୍ଜେଇ ଚୋରା ଚାଲଣ ବେଳେ ମାଡ଼ି ବସିଲା ପାଡ଼ୁଆ ପୋଲିସ । ଖୋଲା ଖୋଲି ପିକଅପ୍ ଭ୍ୟାନ ଭିତରେ ଚୋରା ଚାଲାଣ ବେଳେ ୭ କ୍ୱିଣ୍ଟାଲର ଗଞ୍ଜେଇ ଜବତ କରିଛି ପାଡୁଆ ପୋଲିସ ।
ବିଶେଷ ସୂତ୍ରରୁ ଖବର ପାଇ କୋରାପୁଟ ଏସପିଙ୍କ ନିର୍ଦ୍ଦେଶ କ୍ରମେ ନନ୍ଦପୁର ଏସ.ଡି.ପି.ଓଙ୍କ ତତ୍ତ୍ୱାବଧାନରେ ପାଡୁଆ ଥାନା ଅଧିକାରୀ ମାଳିଗୁଡା ଗ୍ରାମ ନିକଟରେ ପାଟ୍ରୋଲିଂ କରିଥିଲେ । ଏହି ଅଞ୍ଚଳଟି ମାଓ ପ୍ରଭାବିତ ଏବଂ ଜଙ୍ଗଲପୂର୍ଣ ଅଞ୍ଚଳ ହୋଇଥିବା ସତ୍ତ୍ୱେ ପୋଲିସ ଗଞ୍ଜେଇ ଚୋରା ଚାଲାଣ ରୋକିବା ପାଇଁ ଏସଓପି ପାଳନ କରି ନାକା ବନ୍ଦୀ କରିଥିଲା ।
ଏହି ସମୟରେ ଆନ୍ଧ୍ରପ୍ରଦେଶ ଆଡୁ ଦୃତ ଗତିରେ ଆସୁଥିବା ଏକ ପିକଅପ୍ ଭ୍ୟାନକୁ ପୋଲିସ ଅଟକାଇ ଥିଲା ।ତେବେ ଅନ୍ଧାରର ସୁଯୋଗ ନେଇ ଡ୍ରାଇଭର ଖସି ପଳାଇଥିଲେ । ପିକଅପ୍ ଭ୍ୟାନର ଡ଼ାଲାର ରେ ବିପୁଳ ପରିମାଣ ଗଞ୍ଜେଇ ଥିବା ଜାଣିବାକୁ ପାଇଥିଲା ପୋଲିସ। ଏହି ଗାଡ଼ି ଆନ୍ଧ୍ରରୁ ଗଞ୍ଜେଇ ନେଇ ନବରଙ୍ଗପୁର ଚୋରା ଚାଲାଣ ହୌଥିବା ପୋଲିସ ଜାଣିବାକୁ ପାଇଛି । ଜବତ ପିକପ ଭ୍ୟାନରେ ୩୬ଟି ବସ୍ତାରେ ପ୍ରାୟ ୭ କ୍ଵିଣ୍ଟାଲ ଗଞ୍ଜେଇ ଥିଲା ଏହାର ମୂଲ୍ୟ ପ୍ରାୟ ୭୦ଲକ୍ଷରୁ ଉର୍ଦ୍ଧ ହେବବୋଲି ଜଣାପଡିଛି। ଗାଡି ମାଲିକ ନାମରେ କେସ ରୁଜୁ କରି ତଦନ୍ତ ଆରମ୍ଭ କରିଛି ପାଡୁଆ ପଲିସ ।
