ବୁଗୁଡାରେ ଆଇନଜୀବୀଙ୍କୁ ଆଇଆଇସିଙ୍କ ମାଡ ଘଟଣା ; ପ୍ରତିବାଦରେ ଗଞ୍ଜାମ ଜିଲ୍ଲା ଓକିଲ ସଂଘର କାର୍ଯ୍ୟବନ୍ଦ ଆନ୍ଦୋଳନ
Published By : Prameya-News7 Bureau | November 15, 2018 IST
ଗଞ୍ଜାମ ୧୫|୧୧: ଆଜି ଗଞ୍ଜାମ ଜିଲ୍ଲା ଓକିଲ ସଂଘର କାର୍ଯ୍ୟବନ୍ଦ ଆନ୍ଦୋଳନ । ବୁଗୁଡା ଥାନା ଅଧିକାରୀ ଜଣେ ଓକିଲଙ୍କୁ ମାଡ ପ୍ରତିବାଦରେ ଦିନିକିଆ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି ଆଇନଜୀବୀ । ମଙ୍ଗଳବାର ଜମିଜମା ସମସ୍ୟା ସଂପର୍କରେ ଓକିଲ ହରପ୍ରସାଦ ଦାସ ଥାନାକୁ ଯାଇଥିଲେ । ସେଠାରେ ବୁଗୁଡା ଥାନା ଆଇଆଇସି ରାମଚନ୍ଦ୍ର ବିଶ୍ବାଳ ତାଙ୍କୁ ମାଡ ମାରିଥିବା ଅଭିଯୋଗ ହୋଇଥିଲା । ଯାହାର ପ୍ରତିବାଦ କରିଛି ବୁଗୁଡା ଓକିଲ ସଂଘ । ସେପଟେ ଓକିଲଙ୍କୁ ମାଡ ମାରିଥିବା ଥାନା ଅଧିକାରୀଙ୍କୁ ବହିଷ୍କାର ଓ ଗିରଫ ଦାବି କରିଛି ବିଜେପି ।