କନ୍ଧମାଳ, ୦୬।୦୯: କନ୍ଧମାଳ ଜିଲ୍ଲାରେ ଗଞ୍ଜେଇ ଚୋରା ଚାଲାଣ ଥମିବାର ନା ଧରୁନି। ଗତ ଦୁଇଦିନ ଧରି ଫିରିଙ୍ଗିଆ ପୋଲିସ ଦୁଇଟି ଗଞ୍ଜେଇ ଚାଲାଣ ମାମଲାରେ ଲକ୍ଷାଧିକ ଟଙ୍କାର ଗଞ୍ଜେଇ ଜବତ କରିଛି ।
ରବିବାର ରାଇକିଆ ପୋଲିସ ଗଞ୍ଜେଇ ଚାଲାଣରେ ବ୍ୟବହୃତ ଏକ ସୁଇଫ୍ଟ ଡିଜାୟର କାର ନଂ ଓଡି ୦୨ବିଏଫ ୫୧୦୬ ଓ ଏକ ବାଇକ୍ ନଂ ଓଡି ୦୭ଏଲ ୪୭୫୮ ଜବତ କରିଛି । କାରରେ ୬୦ କେଜିର ଗଞ୍ଜେଇ ଚାଲାଣ କରାଯାଉଥିଲା । ଏଥିରେ ସମ୍ପୃକ୍ତ ୨ ଅଭିଯୁକ୍ତ ଗୁଞ୍ଜିବାଡି ଗ୍ରାମର ପ୍ରେମାନନ୍ଦ ଦିଗାଲ ଓ ଜିଡୁବାଡି ଗ୍ରାମର ସୁନିଲ ପ୍ରଧାନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟ, ପୂର୍ବରୁ ପୋଲିସ ଗଞ୍ଜେଇ ଚାଲାଣରେ ବ୍ୟବହୃତ ଏକ କାର ଓ ୩ଟି ବାଇକ ମଧ୍ୟ ଜବତ କରିଥିଲା । ଏହାସହ ୬ ଜଣ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଥିଲା ।