ମାଛକୁଣ୍ଡ ପୋଲିସକୁ ପୁଣି ସଫଳତା, ୧୧୩ କେଜିର ଗଞ୍ଜେଇ ଜବତ
1/07/2023 at 8:43 AM
ଲମତାପୁଟ ୦୧।୦୭ : ମାଛକୁଣ୍ଡ ପୋଲିସକୁ ପୁଣି ବଡ଼ ସଫଳତା । ଗଚ୍ଛିତ ରଖାଯାଇଥିବା ୧୧୩ କେଜିର ଗଞ୍ଜେଇ ଜବତ କରିଛି ମାଛକୁଣ୍ଡ ପୋଲିସ ।
ଖବର ଅନୁଯାୟୀ, ମାହାଡ଼ା ଗାଁର ସମରା ବଡ଼ନାୟକଙ୍କ ଘରେ ମାଜିଷ୍ଟ୍ରେଟ୍ଙ୍କ ଉପସ୍ଥିତିରେ ଚାବି ଭଙ୍ଗାଯାଇଥିଲା । ଘରେ ଗଞ୍ଜେଇ ଥିବାର ଗୁଇନ୍ଦା ସୂଚନା ପାଇଁ ଚଢାଉ କରିଥିଲା ପୋଲିସ । ଯାଞ୍ଚ ବେଳେ ୫ଟି ବସ୍ତା ଗଞ୍ଜେଇ ପାଇଥିଲା ପୋଲିସ । ଘଟଣାସ୍ଥଳରୁ ସମରା ବଡ଼ନାୟକ ଫେରାର ହୋଇଯାଇଥିବା ବେଳେ ଗଞ୍ଜେଇକୁ ଜବତ କରିଛି ମାଛକୁଣ୍ଡ ପୋଲିସ ।
ତେବେ ଜବତ ଗଞ୍ଜେଇର ମୂଲ୍ୟ ପ୍ରାୟ ୧୧ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ଏହା ସହିତ ଘର ମାଲିକ ସମରାଙ୍କ ନାଁରେ NDPS ଆକ୍ଟରେ ମାମଲା ରୁଜୁ କରିଛି ପୋଲିସ । ଅଭିଯୁକ୍ତଙ୍କୁ ଧରିବା ପାଇଁ ଏବେବି ଉଦ୍ୟମ ଜାରି ରଖିଛି ମାଛକୁଣ୍ଡ ପୋଲିସ ।
