ଲମତାପୁଟ ୧୫।୦୩ : କୋରାପୁଟ ପୋଲିସକୁ ପୁଣି ସଫଳତା । ୧ କୋଟି ୨୬ ଲକ୍ଷ ଟଙ୍କାର ଗଞ୍ଜେଇ ଜବତ। ଚଢାଉ କରି ଜବତ କଲା ମାଛକୁଣ୍ଡ ପୋଲିସ ।

କୋରାପୁଟ ଏସପିଙ୍କ ନିର୍ଦେଶ କ୍ରମେ ନନ୍ଦପୁର ଏସ୍.ଡି.ପିଓ ଙ୍କ ନେତୃତ୍ବରେ ମାଛକୁଣ୍ଡ ଏବଂ ଲମତାପୁଟ ପୋଲିସ ମିଳିତ ଭାବେ ସ୍ୱତନ୍ତ୍ର ଟିମ ଗଠନ କରି ଚଢାଉ କରିଥିଲେ । ଚଢାଉ ବେଳେ ଖଡାପୁଟ ଗାଁରେ ଜଣଙ୍କ ଘରେ ଗଛିତ ରଖାଯାଇଥିବା ବିପୁଳ ଗଞ୍ଜେଇ ଜବତ ହୋଇଛି l ପୋଲିସ୍ ରେଡ୍ ଦେଖି ମାଲିକ ମାନେ ଘଟଣା ସ୍ଥଳରୁ ଫେରାର ହୋଇଯାଇଥିଲେ ।

ତେବେ ଘର ଯାଞ୍ଚ କରିବାରୁ ୪୯ଟି ବସ୍ତାରେ ଥିବା ୧୨ ଶହ ୬୦ କେଜି ଗଞ୍ଜେଇ ବାହାରିଥିଲା l ଏହି ଗଞ୍ଜେଇର ମୂଲ୍ୟ ୧ କୋଟି ୨୬ ଲକ୍ଷ ଟଙ୍କା ହେବ ବୋଲି ପୋଲସ ସୂଚନା ଦେଇଛି l ଫେରାର ଥିବା ଘର ମାଲିକକୁ ଚିହ୍ନଟ କରି ଧରିବା ପାଇଁ ଉଦ୍ୟମ ଆରମ୍ଭ କରଛି ମାଛକୁଣ୍ଡ ପୋଲିସ l ଏହି ଗାଁଟି ମାଲକାନଗିରି ଜିଲ୍ଲା ସୀମାନ୍ତ ଏବଂ ମାଓ ପ୍ରଭାବିତ ଅଞ୍ଚଳ l