ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ORHDC ଦୁର୍ନୀତି ମାମଲା, IAS ବିନୋଦ କୁମାରଙ୍କ ସହ ୬ ଜଣଙ୍କୁ ଜେଲ୍‌ଦଣ୍ଡ ଶୁଣାଇଲେ ସ୍ପେଶାଲ୍‌ ଜଜ୍‌
  • ||
  • ଫିରୋଜାବାଦରେ ଛାତିଥରା ଅଗ୍ନିକାଣ୍ଡ, ଜିଅନ୍ତା ଜଳିଗଲେ ପରିବାରର ୬ଜଣ
  • ||
  • କୁହୁଡ଼ି ନେଲା ଜୀବନ; ରାସ୍ତା ଦେଖାନଯିବାରୁ ବସ୍‌କୁ ପିଟିଲା ଟ୍ରକ୍, ଦୁର୍ଘଟଣାରେ ଚାଲିଗଲା ୬ ଜୀବନ
  • ||
  • ଇଡିରେ ହାଜର ହେଲେ ଅବିନାଶ ପ୍ରିୟଦର୍ଶୀ, ସୁପ୍ରିମ ଅଟୋ ମୋବାଇଲ ମୁଖ୍ୟ ପରିଚାଳକ ହେଲେ ଅବିନାଶ
  • ||

ଗାଙ୍ଗୁଲିଙ୍କ ଅର୍ଦ୍ଧଶତକ ନିଷ୍ଫଳ, ସଭାପତି ଏକାଦଶକୁ ମାତ୍ ଦେଲା ଜୟ ଶାହାଙ୍କ ଟିମ୍

23/12/2020 at 10:41 PM

ଅହମ୍ମଦାବାଦ ୨୩।୧୨: ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ(ବିସିସିଆଇ)ର ବାର୍ଷିକ ସାଧାରଣ ବୈଠକ(ଏଜିଏମ) ଅହମ୍ମଦାବାଦରେ ଡିସେମ୍ବର ୨୪ରେ ଅନୁଷ୍ଠିତ ହେବ। ଏହା ପୂର୍ବରୁ ବୁଧବାର ଏଠାରେ ସର୍ଦ୍ଦାର ପଟେଲ ମୋଟେରା ଷ୍ଟାଡିୟମରେ ଏକ ବନ୍ଧୁତ୍ଵପୂର୍ଣ୍ଣ ମ୍ୟାଚ୍‌ ଖେଳା ଯାଇଛି। ଏହି ମ୍ୟାଚ୍‌ ବିସିସିଆଇ ସଭାପତି ସୌରଭ ଗାଙ୍ଗୁଲି ଓ ସଂପାଦକ ଜୟ ଶାହାଙ୍କ ଦଳ ମଧ୍ୟରେ ହୋଇଛି।

ନବନିର୍ମିତ ମୋଟେରା ଷ୍ଟାଡିୟମରେ ଖେଳାଯାଇଥିବା ମ୍ୟାଚ୍‌ରେ ଜୟ ଶାହାଙ୍କ ନେତୃତ୍ଵାଧୀକ ସେକ୍ରେଟାରୀ ଏକାଦଶ ସୌରଭ ଗାଙ୍ଗୁଲିଙ୍କ ସଭାପତି ଏକାଦଶକୁକ ୨୮ ରନରେ ପରାସ୍ତ କରିଛି। ୧୨ ଓଭର ମୁକାବିଲାରେ ସେକ୍ରେଟାରୀ ଏକାଦଶ ପ୍ରଥମେ ବ୍ୟାଟିଂ କରି ମହମ୍ମଦ ଅଝହରୁଦ୍ଦୀନଙ୍କ ୩୭ ରନ ଏବଂ ବିସିସିଆଇର ପୂର୍ବତନ ସଂପାଦକ ନିରଞ୍ଜନ ଶାହାଙ୍କ ପୁତ୍ର ଜୟଦେବ ଶାହାଙ୍କ ୩୮ ରନ ଇନିଂସ ବଳରେ ୩ ଓ୍ଵିକେଟ୍ ହରାଇ ୧୨୮ ରନ କରିଥିଲା।

ଜବାବରେ ସଭାପରି ଏକାଦଶ ନିର୍ଦ୍ଧାରିତ ଓଭରରେ ୪ ଓ୍ଵିକେଟ୍ ହରାଇ ୧୦୦ ରନ କରିବାକୁ ସକ୍ଷମ ହୋଇଥିଲା। ଦଳ ପାଇଁ ସୌରଭ ଗାଙ୍ଗୁଲି ୩୨ ବଲରୁ ଅପରାଜିତ ୫୩ ରନ କରିଥିଲେ। ହେଲେ ତାଙ୍କର ଏହି ଇନିଂସ ଦଳର ବିଜୟ ପାଇଁ ପର୍ଯ୍ୟାପ୍ତ ନଥିଲା। ଗାଙ୍ଗୁଲିଙ୍କ ଇନିଂସରେ ୬ ଚୌକା ଓ ଏକ ଛକା ସାମିଲ। ଜୟ ଶାହା ୨ଟି ଓ୍ଵିକେଟ୍ ନେଇଛନ୍ତି।

ଅଜହରୁଦ୍ଦୀନ ୨୨ ବଲର ନିଜର ଇନିଂସରେ ୭ ଚୌକା ମାରିଥିଲେ। ଗାଙ୍ଗୁଲି ବୋଲିଂ କରି ୩ ଓଭରରେ ୨୬ ରନ ଦେଇ ଏକ ଓ୍ଵିକେଟ୍ ନେଇଥିଲେ।

   Related Posts