କଟକ୬|୬: ପୋଲିସ କବଜାରେ ଦୁର୍ଦ୍ଦାନ୍ତ ଅପରାଧୀ ତଥା ଗ୍ୟାଙ୍ଗ ଷ୍ଟାର ସକିଲ ଅହମ୍ମଦ । ସକିଲ ନାମରେ କଟକ ସହରର ବିଭିନ୍ନ ଥାନାରେ ରହିଛି  ବହୁ ସଙ୍ଗୀନ ମାମଲା। ନିକଟରେ ୨୦ଦିନ ହେବ ଜେଲରୁ ମୁକୁଳି ପୁଣି ଦବ ଦବା ଆରମ୍ଭ କରିଥିଲା ସକିଲ ।

ଗତ ୨୩ ତାରିଖ କଟକ ନେତାଜୀ ନଗରର ଜଣେ ଯୁବକଙ୍କୁ ଅପହରଣ କରି ଦାଦବଟି ପାଇଁ ହତ୍ୟା ଉଦ୍ୟମ କରି ଫେରାର ହୋଇଯାଇଥିଲା ସକିଲ ଆଣ୍ଡ କୋ । ସେହି ଘଟଣାରେ ସଦର ଥାନା ପୋଲିସ ଭୋରରୁ ଏକ ଅଞ୍ଗାତ ସ୍ଥାନରୁ ସକିଲ ଓ ତାର ୫ ସହଯୋଗୀଙ୍କୁ ଉଠାଇ ନେଇ ଜେରା କରୁଥିବା ଜଣା ପଡିଛି ।

କଟକ ସହରରେ ଦବ ଦବା କରୁଥିବା ଦୁର୍ଦ୍ଦାନ୍ତ ଅପରାଧୀ ତଥା ଗ୍ୟାଙ୍ଗ ଷ୍ଟାର ସକିଲ ଆଣ୍ଡ କୋ କୁ ଉଠାଇ ନେଇଛି କଟକ ସଦର ଥାନା ପୋଲିସ । ସକିଲ ଓ ତାର ସହଯୋଗୀମାନେ ଏକ ଅଞ୍ଗାତ ସ୍ଥାନରେ ରହି ଅପରାଧ ଜୋଜନା କରୁଥିବା ବେଳେ ଆଗରୁ ଛପି ରହିଥିବା ସଦର ଥାନା ଟିମ ଉଠାଇ ନେଇଥିଲା । ଗତ ୨୩ତାରିଖରେ ସକିଲ ଓ ତାର ସହଯୋଗୀମାନେ ନେତାଜୀ ନଗରର ଜଣେ ଯୁବକଙ୍କୁ ଅପହରଣ କରି ଦାଦବଟି ପାଇଁ କରିଥିଲେ ହତ୍ୟା ଉଦ୍ୟମ ।

ସେହି ଘଟଣା ପରେ ସକିଲ ଫେରାର ହୋଇଯାଇଥିବା ବେଳେ ଏବେ ପୋଲିସ ହାତରେ ଲାଗିଛନ୍ତି ସକିଲ ଓ ତାର ୫ ସହଯୋଗୀ । ସକିଲ ନାଁରେ ସହରରେ ରହିଛି ବହୁ ସଙ୍ଗୀନ ମାମଲା । ମାଲଗୋଦାମର ଜଣା ଶୁଣା ଡାଲି ବ୍ୟବସାୟୀ ଫାରୁକ ହତ୍ୟା କାଣ୍ଡ,ସହରରେ ଦାଦବଟି ପାଇଁ ସିରିଜ ବୋମା ମାଡ,ବ୍ୟବସାୟୀଙ୍କୁ ଅପହରଣ ସହ ଗୁଳି ଚଳାଇ ଲୁଟ କରିବା ଭଳି ମାମଲା ରହିଛି ସକିଲ ନାଁ ରେ ।

ସକିଲ ଓ ତା ସହଯୋଗୀଙ୍କୁ ସଦର ଥାନା ପୋଲିସ ଏକ ଅଞ୍ଗାତ ସ୍ଥାନରେ ରଖି ମାରାଥନ ଜେରା କରିବା ସହ ସକିଲ ତଥ୍ୟ ଆଧାରରେ ପୋଲିସ ଟିମ ବିଭିନ୍ନ ସ୍ଥାନରେ ଛାପା ମାରୁଥିବା ବିଶ୍ବସ୍ଥ ସୂତ୍ରରୁ ଖବର ମିଳିଛି…