vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

ବାଟଲା ହାଉସ ଏନକାଉଣ୍ଟର : ଶହୀଦ ହେବାର ୧୨ ବର୍ଷ ପରେ ଇନ୍ସପେକ୍ଟର ମୋହନ ଚାନ୍ଦ ଶର୍ମାଙ୍କୁ ଗ୍ୟାଲେଣ୍ଟ୍ରି ଆୱାର୍ଡରେ କରାଯିବ ସମ୍ମାନିତ

14/08/2020 at 7:06 PM

ନୂଆଦିଲ୍ଲୀ ୧୪/୦୮ : ଦିଲ୍ଲୀ ପୋଲିସ ଇନ୍ସପେକ୍ଟର ମୋହନ ଚାନ୍ଦ ଶର୍ମାଙ୍କୁ ଶହୀଦ ହେବାର ୧୨ ବର୍ଷ ପରେ ଗ୍ୟାଲେଣ୍ଟ୍ରି ପୁରସ୍କାର ଦିଆଯିବାକୁ ଘୋଷଣା ହଇଛି | ବାଟଲା ହାଉସ ଏନକାଉଣ୍ଟରରେ ମୋହନ ଚାନ୍ଦ ଶର୍ମା ଶହୀଦ ହୋଥିଲେ | ସେ ଦିଲ୍ଲୀ ପୋଲିସର ସ୍ପେଶାଲ ସେଲରେ କାର୍ଯ୍ୟରତ ଥିଲେ | ଗୃହ ମନ୍ତ୍ରାଳୟ ଶହୀଦ ମୋହନ ଚାନ୍ଦ ଶର୍ମା ଓ ତାଙ୍କ ଟିମର ଇନ୍ସପେକ୍ଟର କୈଳାସ ସିଂହ ବିଷ୍ଟ, ଦେବେନ୍ଦ୍ର ମଲିକ ଓ ଧର୍ମେନ୍ଦ୍ରଙ୍କ ସମେତ ସ୍ପେଶାଲ ସେଲର ୬ ବହାଦୁରଙ୍କୁ ଗ୍ୟାଲେଣ୍ଟ୍ରି ଆୱାର୍ଡରେ ସମ୍ମାନିତ କରିବାକୁ ଘୋଷଣା କରିଛି | ଗୃହ ମନ୍ତ୍ରାଳୟ ଅନୁସାରେ, ଚଳିତ ବର୍ଷ ଦେଶର ୨୧୫ ପୋଲିସକର୍ମୀଙ୍କୁ ସମ୍ମାନିତ କରାଯିବ | ଏମାନଙ୍କ ମଧ୍ୟରେ ଅନେକ ଶହୀଦଙ୍କ ନାଁ ସାମିଲ ଅଛି |

୨୦୦୮ ମସିହାରେ ବାଟଲା ହାଉସ ଏନକାଉଣ୍ଟରରେ ଚର୍ଚ୍ଚାରେ ଥିଲା ଇନ୍ସପେକ୍ଟର ମୋହନ ଚାନ୍ଦ ଶର୍ମା | ଇନ୍ସପେକ୍ଟରଙ୍କ କାହାଣୀ ୨୦୦୮ ମସିହା ସେପ୍ଟେମ୍ବର ୧୩ ତାରିଖରେ ଦିଲ୍ଲୀର କରୋଲ ବାଗ, କନୌଟ ପ୍ଲେସ୍, ଇଣ୍ଡିଆ ଗେଟ୍ ଏବଂ ଗ୍ରେଟର କୈଳାସରେ ହୋଇଥିବା ସିରିଏଲ ବୋମା ବିସ୍ଫୋରଣ ପରେ ଆରମ୍ଭ ହୋଇଥିଲା | ସେତେବେଳେ ଦିଲ୍ଲୀ ଦୋହଲି ଯାଇଥିଲା | ସିରିଏଲ ବିସ୍ଫୋରଣରେ ୨୬ ଜଣଙ୍କ ମୃତ୍ୟୁ ହୋଇଥିଲା | ପାଖାପାଖି ୧୩୩ ଜଣ ଆହତ ହୋଇଥିଲେ | ବୋମା ବିସ୍ଫୋରଣ ଆତଙ୍କୀ ସଂଗଠନ ମୁଜାହିଦ୍ଦିନ କରିଥିବା ଦିଲ୍ଲୀ ପୋଲିସ ତଦନ୍ତରେ ଜଣାପଡିଥିଲା | ଏହି ବିସ୍ଫୋରଣ ପରେ ସେପ୍ଟେମ୍ବର ୧୯ ତାରିଖରେ ଦିଲ୍ଲୀ ପୋଲିସର ସ୍ପେଶାଲ ସେଲକୁ ସୂଚନା ମିଳିଥିଲା ଯେ ଇଣ୍ଡିଆନ ମୁଜାହିଦ୍ଦିନର ପାଞ୍ଚ ଜଣ ଆତଙ୍କବାଦୀ ବାଟଲା ହାଉସର ଏକ ଘରେ ଲୁଚିଛନ୍ତି |

ସୂଚନା ପାଇ ପୋଲିସ ଟିମ ଆଲର୍ଟ ହୋଇଥିଲା | ଏହି ଟିମର ନେତୃତ୍ୱ ନେଇଥିଲେ ଇନ୍ସପେକ୍ଟର ମୋହନ ଚାନ୍ଦ ଶର୍ମା | ସୂଚନା ପାଇବା ପରେ ମୋହନ ଚାନ୍ଦ ନିଜ ଟିମ ନେଇ ବାଟଲା ହାଉସ ପହଞ୍ଚିଥିଲେ | ପୋଲିସ ଟିମ ସିଭିଲ ଡ୍ରେସ ଥିଲା | ସେତେବେଳେ ପୋଲିସ ଟିମ ଜାଣିନଥିଲା ଯେ ଆତଙ୍କବାଦୀ ଫ୍ଲାଟ ନମ୍ବର ୧୦୮ ରେ ଲୁଚିଛନ୍ତି | ଟିମ ସେଠାରେ ଲୋକଙ୍କୁ ପଚରାଉଚୁରା କରିବାକୁ ପହଞ୍ଚିଥିଲା | ପୋଲିସ ଫ୍ଲାଟ ଭିତରକୁ ପଶିବା କ୍ଷଣି ଫାଇରିଙ୍ଗ ଆରମ୍ଭ ହୋଇଥାଏ | କୋଠରୀ ଭିତରେ ୫ ଜଣ ଆତଙ୍କବାଦୀ ଥିଲେ | ପୋଲିସ ଗୁଳିରେ ୨ ଆତଙ୍କବାଦୀ ନିହତ ହୋଇଥିଲେ ଓ ୩ ଆତଙ୍କବାଦୀ ଫେରାର ହୋଇଯାଇଥିଲେ | ଅନ୍ୟ ୩ ଆତଙ୍କବାଦୀଙ୍କ ମଧ୍ୟରୁ ଦୁଇଜଣଙ୍କ ଫ୍ଲାଟ ତଳେ ଛିଡା ହୋଇଥିବା ପୋଲିସ ଟିମ କାବୁ କରିଥିଲା | କୋଠରୀ ଭିତରେ ଉଭୟ ପକ୍ଷରୁ ଗୁଳି ବିନିମୟ ଚାଲିଥିଲା |

ମୋହନ ଚାନ୍ଦଙ୍କୁ ଦୁଇଟି ଗୁଳି ବାଜିଥିଲା | ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା | 8 ଘଣ୍ଟା ଯାଏଁ ଚିକିତ୍ସା ଚାଲିବା ପରେ ତାଙ୍କର ମୃତ୍ୟୁ ହୋଇଥିଲା | ବ୍ୟବଚ୍ଛେଦ ରିପୋର୍ଟ ଅନୁସାରେ ତାଙ୍କ ପେଟ, ଜଙ୍ଘ ଓ ହାତରେ ଗୁଳି ବାଜିଥିଲା | ଅଧିକ ରକ୍ତସ୍ରାବ ଯୋଗୁଁ ତାଙ୍କର ମୃତ୍ୟୁ ହୋଇଥିଲା | ମୋହନ ଶର୍ମା ୨୧ ବର୍ଷର ପୋଲିସ ଚାକିରୀ ମଧ୍ୟରେ ୬୦ ଆତଙ୍କବାଦୀଙ୍କୁ ମାରିଥିଲେ | 200 ରୁ ଅଧିକ ଆତଙ୍କବାଦୀଙ୍କୁ ଗିରଫ କରିଥିଲେ |

ଇନ୍ସପେକ୍ଟର ମୋହନ ଚାନ୍ଦ ଶର୍ମା ଓ ବାଟଲା ହାଉସ ଏନକାଉଣ୍ଟରକୁ ନେଇ ବଲିଉଡ ଫିଲ୍ମ ବାଟଲା ହାଉସ ନିର୍ମିତ ହୋଇଥିଲା | ଏଥିରେ ମୁଖ୍ୟ ଭୂମିକାରେ ଅଭିନୟ କରିଥିଲେ ଜନ ଆବ୍ରାହାମ |

   Related Posts