scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦ୍ଵିତୀୟ ଦିନରେ ବିଦ୍ୟାଭାରତୀଙ୍କୁ ଗଜପତି ପୋଲିସର ଜେରା, ଜବତ କଲା ବ୍ୟାଙ୍କ୍ ପାସବୁକ୍

20/07/2021 at 6:07 PM

ଉଦଳା ୨୦।୭: ଆଜି ଦ୍ଵିତୀୟ ଦିନରେ ବିଦ୍ୟାଭାରତୀଙ୍କୁ ଜେରା କରିଛି ଗଜପତି ପୋଲିସ । ଚାରି ଘଣ୍ଟା ଜେରା କରିଛି ପୋଲିସ । ଏକ ପାସବୁକ ପୋଲିସ ଜବତ କରିଛି । ଦୁଇ ଦିନରେ ମୋଟ୍ ୭ ଘଣ୍ଟା ଜେରା କରିଛି ଗଜପତି ପୋଲିସ । ଗଣମାଧ୍ୟମକୁ ପ୍ରତିକ୍ରିୟା ଦେବା ବଦଳରେ ନିଜ ଶରୀର ଅସୁସ୍ଥ ଥିବା କହିଲେ ବିଦ୍ୟାଭାରତୀ । ଦୁଇ ଦିନ ଜେରାରେ ପୋଲିସ ଦୁଇ ଗୋଟି ମୋବାଇଲ ଏବଂ ପାସବୁକ ଜବତ କରିଛି । ବିଦ୍ୟା ଭାରତୀଙ୍କ ସମେତ ପରିବାର ସଦସ୍ୟଙ୍କୁ ଜେରା କରିଛି ପୋଲିସ ।

ଏସିଏଫଓ ସୌମ୍ୟରଞ୍ଜନଙ୍କ ମୃତ୍ୟୁ ଘଟଣାରେ ଗୋଟିଏ ପରେ ଗୋଟିଏ ଗୁମର ଫିଟିବାରେ ଲାଗିଛି । ଦିନକୁ ଦିନ ଘଟଣାରେ ନୂଆ ଟ୍ଵିଷ୍ଟ ସାମ୍ନାକୁ ଆସୁଛି । ଏସିଏଫଓ ସୌମ୍ୟଙ୍କ ବିରୋଧରେ ପତ୍ନୀ ବିଦ୍ୟାଭାରତୀ ଆଣିଥିବା ଅଭିଯୋଗକୁ ଖଣ୍ଡନ କରିଛନ୍ତି ସୌମ୍ୟଙ୍କ ମା’ ଉର୍ମିଳା । ସୌମ୍ୟରଞ୍ଜନଙ୍କର ଅନ୍ୟ ମହିଳାଙ୍କ ସହିତ ସମ୍ପର୍କ ଥିବା ଘଟଣାଙ୍କୁ ସେ ଖଣ୍ଡନ କରିଛନ୍ତି ।

ସୌମ୍ୟରଞ୍ଜନଙ୍କ ମା’ କହିଛନ୍ତି ବିଦ୍ୟାଭାରତୀ ମର୍ଡର କରିଛି । ସେ ମିଛ କହୁଛି । ପୂର୍ବରୁ ବିଦ୍ୟାଭାରତୀ ମୋତେ ଫୋନ୍ କଲାବେଳେ ତମେ କେମିତି ଅଛ ପଚାରେ । ମୁଁ ପଚାରେ ତମେ କେମିତି ଅଛ । ସେ କହେ ସବୁକିଛି ଭଲ । ଆମ ବିଷୟରେ ଚିନ୍ତା କରନି । ମୋତେ ସୌମ୍ୟ ବିଷୟରେ ସେତେବେଳେ କିଛି କହୁନଥିଲା କାହିଁକି ?

ବିଦ୍ୟାଭାରତୀଙ୍କ ଅଭିଯୋଗ ଅନୁସାରେ, ସୌମ୍ୟଙ୍କର ଅନ୍ୟ ଯୁବତୀଙ୍କ ସହିତ ସମ୍ପର୍କ ରହିଥିଲା । ଯାହାକୁ ନେଇ ଅନେକ ସମୟରେ ଉଭୟଙ୍କ ମଧ୍ୟରେ ଝଗଡା ମଧ୍ୟ ହୋଇଥିଲା । ଏହି ଝଗଡାର ଏକ ଅଡିଓ ମଧ୍ୟ ସେ ଗଣମାଧ୍ୟମକୁ ଦେଇଛନ୍ତି । ତେବେ ସୌମ୍ୟଙ୍କ ପରିବାର ଲୋକେ ଆଣିଥିବା ଅଭିଯୋଗକୁ ସେ ଖଣ୍ଡନ କରିଥିବା ବେଳେ ଆଗକୁ ଘଟଣାରେ କ’ଣ ଟ୍ଵିଷ୍ଟ ଆସୁଛି ତାହାକୁ ଅପେକ୍ଷା ।

ସୋମବାରଠାରୁ ଗଜପତିରୁ ୬ ଜଣିଆ ପୋଲିସ ଟିମ୍ ଖଇରା ଏବଂ କପ୍ତିପଦା ଗୌଡଗାଁରେ ପହଞ୍ଚି ତଦନ୍ତ ଜାରି ରଖିଛି । ଏହାସହ ତଦନ୍ତ ମଙ୍ଗଳବାର ବି ଜାରି ରହିବ ବୋଲି ପୋଲିସ ସୂଚନା ଦେଇଛି । ସୋମବାର ପୋଲିସ ତଦନ୍ତ କରି ଯିବାପରେ ମଙ୍ଗଳବାର ମୁହଁ ଖୋଲିଛନ୍ତି ବିଦ୍ୟାଭାରତୀ ।

   Related Posts