ମୁମ୍ଵାଇ ୨୮।୦୨: ଭାରତୀୟ ମହାକାଶ ମିଶନ ଗଗନଯାନର କ୍ୟାପଟେନ ପ୍ରଶାନ୍ତ ନାୟାର। ସେ ମାଲାୟାଲମ୍ ଅଭିନେତ୍ରୀ ଲୀନାଙ୍କୁ ବିବାହ କରିଛନ୍ତି। ଲୀନା ଏହା ମଧ୍ୟ ପ୍ରକାଶ କରିଛନ୍ତି ଯେ ସେମାନେ ଜାନୁଆରୀ ୧୭, ୨୦୨୪ରେ ବିବାହ କରିଥିଲେ। ଏହି ଅଭିନେତ୍ରୀ ୨୭ ଫେବୃଆରୀ ମଙ୍ଗଳବାର ଦିନ ଇନଷ୍ଟାଗ୍ରାମରେ ତାଙ୍କ ବିବାହ ବିଷୟରେ ପ୍ରକାଶ କରିଛନ୍ତି। ସୋସିଆଲ ମିଡିଆରେ ମହାକାଶଚାରୀ ପ୍ରଶାନ୍ତ ନାୟାରଙ୍କ ପତ୍ନୀ ଲୀନାଙ୍କ ସହ ସେୟାର କରିଥିବା ଭିଡିଓ ଭାଇରାଲ ହେବାରେ ଲାଗିଛି।
ମାଲାୟାଲମ୍ ଅଭିନେତ୍ରୀ ଲୀନା ଗଗନଯାନ ଅନ୍ତରିକ୍ଷ ଗ୍ରୁପ୍ କ୍ୟାପଟେନ୍ ପ୍ରଶାନ୍ତ ବାଲାକ୍ରିଷ୍ଣନ୍ ନାୟାରଙ୍କୁ ବିବାହ କରିଛନ୍ତି। ଉଭୟଙ୍କ ବିବାହ ଖବର ପରେ ଏହା ଚର୍ଚ୍ଚାରେ ପାଲଟିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗଗନଯାନ ମିଶନ ପାଇଁ ଚାରି ଜଣ ମହାକାଶଚାରୀ ପ୍ରଶିକ୍ଷଣ ମଧ୍ୟରୁ ଗ୍ରୁପ୍ କ୍ୟାପଟେନ ନାୟାରଙ୍କୁ ନାମିତ କରିଥିଲେ। ଏହାର କିଛି ଘଣ୍ଟା ପରେ ଲୀନା ଗର୍ବର ସହିତ ସୋସିଆଲ ମିଡିଆରେ ଘୋଷଣା କରିଥିଲେ ଯେ ସେ ତାଙ୍କୁ ବିବାହ କରିଛନ୍ତି।
wp:html/wp:html
ଅଭିନେତ୍ରୀ ଲୀନା ତାଙ୍କ ସ୍ୱାମୀ ପ୍ରଶାନ୍ତଙ୍କ ସହ କିଛି ଫଟୋ ସେୟାର କରି ଲେଖିଛନ୍ତି, 'ଆଜି ୨୭ ଫେବୃଆରୀ ୨୦୨୪ ରେ ଆମର ପ୍ରଧାନମନ୍ତ୍ରୀ ମୋଦୀ ଜୀ ଭାରତୀୟ ବାୟୁସେନାର ଯୁଦ୍ଧ ବିମାନ ପାଇଲଟ୍ ଗ୍ରୁପ୍ କ୍ୟାପଟେନ୍ ପ୍ରଶାନ୍ତ ବାଲାକ୍ରିଷ୍ଣନ୍ ନାୟାରଙ୍କୁ ପ୍ରଥମ ଭାରତୀୟ ମହାକାଶଚାରୀ ୱିଙ୍ଗ ସହିତ ସମ୍ମାନିତ କରିଛନ୍ତି। ଏହା ଆମ ପାଇଁ ଏକ ଗର୍ବର ମୁହୂର୍ତ୍ତ। ମୁଁ ଭଲ ସମୟକୁ ଅପେକ୍ଷା କରିଥିଲି, ଆଜି ସେହି ଦିନ ଆସିଛି, ତେଣୁ ଆଜି ମୁଁ କହୁଛି ଯେ ମୁଁ ଜାନୁଆରୀ ୧୭, ୨୦୨୪ ରେ ଏକ ପାରମ୍ପାରିକ ସମାରୋହରେ ପ୍ରଶାନ୍ତଙ୍କୁ ବିବାହ କରିଥିଲି ।
ପ୍ରଶାନ୍ତ ବାଲକ୍ରିଷ୍ଣନ ନାୟାରଙ୍କ ପତ୍ନୀ ଲୀନା କିଏ?
ପ୍ରଶାନ୍ତ ବାଲକ୍ରିଷ୍ଣନ୍ ନାୟାରଙ୍କ ପତ୍ନୀ ଲୀନା ମାଲାୟାଲମ୍ ଫିଲ୍ମ ଇଣ୍ଡଷ୍ଟ୍ରିର ଜଣେ ଜଣାଶୁଣା ଅଭିନେତ୍ରୀ। ଲୀନା ମାଲାୟାଲମ୍ ଚଳଚ୍ଚିତ୍ର ଏବଂ ତାମିଲ ସିନେମାରେ ଅଭିନୟ କରିଛନ୍ତି । ସେ ଇଂରାଜୀ, ତାମିଲ, ତେଲୁଗୁ ମାଲାୟାଲମରେ ଏବଂ ହିନ୍ଦୀ ଭାଷାରେ ୧୦୦ ରୁ ଅଧିକ ଚଳଚ୍ଚିତ୍ର କରିଛନ୍ତି।
