ମୋହନା ୦୯/୦୯: ଘର ଉପରେ ଗଛ ପଡ଼ି ୩ ଆହତ । ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲ୍ଲା ମୋହନା ବ୍ଲକ ଗରଡମା ଗାଁରେ । ଆହତ ମାନଙ୍କୁ ରାୟଗଡ଼ା ଜିଲ୍ଲା ଚନ୍ଦ୍ରପୁର ମେଡିକାଲ୍ ରେ ଭର୍ତ୍ତି କରାଯାଇଛି । ଗତ ଦୁଇ ଦିନ ଧରି ଲଗାଣ ବର୍ଷା ଜାରି ରହିଥିବା ବେଳେ ଗତ କାଲି ରାତିରେ ବର୍ଷା ସହ ପବନ ହୋଇଥିଲା ।

ଫଳରେ ଗରଡମା ଗାଁ ରାସ୍ତା କଡ଼ରେ ଥିବା ଏକ ବଡ଼ ଗଛ ଉପୁଡ଼ି ଘର ଉପରେ ପଡିଥିଲା । ଏଥିରେ ୩ ଜଣ ଆହତ ହୋଇଛନ୍ତି । ରାସ୍ତା ଉପରେ ଗଛ ପଡ଼ିଥିବା ଯୋଗୁଁ ଗରଡମାରୁ ଚନ୍ଦ୍ରପୁରକୁ ଯାତାୟତ ଠପ୍ ହୋଇଯାଇଛି । ତେବେ ଗରଡମା ଗାଁ ରାୟଗଡ଼ା ଜିଲ୍ଲାର ସୀମାନ୍ତ ବର୍ତ୍ତି ହୋଇଥିବା ଯୋଗୁଁ ଆହତ ମାନଙ୍କୁ ଚନ୍ଦ୍ରପୁର ମେଡିକାଲ୍ ରେ ଭର୍ତ୍ତି କରାଯାଇଛି ।