ଓଭାଲ: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଆଇସିସି ୱାଲର୍ଡ ଟେଷ୍ଟ ଚାମ୍ପିୟନଶିପ ୨୦୨୧-୨୩ର ଫାଇନାଲ ମୁକାବିଲା ଲଣ୍ଡନର ଓଭାଲରେ ଖେଳାଯାଉଛି । ମ୍ୟାଚର ଦ୍ୱିତୀୟ ଦିନରେ ଅଷ୍ଟ୍ରେଲିଆର ଷ୍ଟାର ବ୍ୟାଟର ଷ୍ଟିଭ ସ୍ମଥ୍ ଶତକ ହାସଲ କରିଛନ୍ତି । ସିରାଜଙ୍କ ଓଭରରେ ସ୍ମିଥ୍ ଲାଗାତାର ଦୁଇଟି ଚୌକା ମାରି ଶତକ ପୂରଣ କରିଥିଲେ । କିନ୍ତୁ ସିରାଜଙ୍କୁ ଏହି କଥା ପସନ୍ଦ ଆସିନଥିବା ଜଣାପଡୁଛି ।

ଲାଗାତର ଦୁଇଟି ଚୌକା ଖାଇବା ପରେ ବୋଲିଂ କରିବା ପାଇଁ ନିଜ ରନଅପ୍ ପୂରଣ କରିଥିଲେ ସିରାଜ, କିନ୍ତୁ ଶେଷ ସମୟରେ ୱିକେଟ୍ ସାମନାରୁ ହଟିଯାଇଥିଲେ ସ୍ମିଥ୍ । ସେହି ବଲ ଖେଳିବା ପାଇଁ ସ୍ମିଥ୍ ପ୍ରସ୍ତୁତ ନଥିଲେ । ଅମ୍ପାୟର ଏହାକୁ ଡେଡ୍ ବୋଲ ଘୋଷଣା କରିଥିଲେ । କିନ୍ତୁ ସିରାଜ ରାଗରେ ବଲଟିକୁ ସ୍ମିଥଙ୍କ ଆଡକୁ ଫିଙ୍ଗି ଦେଇଥିଲେ । ଏହି ଘଟଣା ପରେ ସିରାଜଙ୍କୁ ବେଶ ସମାଲୋଚନା କରାଯାଉଛି ।

ଜଣେ ଫ୍ୟାନ ଲେଖିଛନ୍ତି ଯେ ଜଣେ ୱାର୍ଲଡ କ୍ଲାସ ସିନିୟର ଖେଳାଳିଙ୍କ ସହ କିପରି ବ୍ୟାବହାର କରାଯିବା ଦରକାର କାହା ସିରାଜ ଜାଣି ରଖିବା ଦରକାର । ଏହି ଘଟଣା ପରେ ସିରାଜ ଏବଂ ସ୍ମିଥଙ୍କ ମଧ୍ୟରେ କଥା କଟାକଟି ମଧ୍ୟ ହୋଇଥିଲା । ମ୍ୟାଚରେ ଷ୍ଟିଭ ସ୍ମିଥ୍ ୧୨୧ ରନ କରି ଶାର୍ଦୁଲ ଠାକୁରଙ୍କ ବଲରେ କ୍ଲିନ୍ ବୋଲ୍ଡ ହୋଇ ପାଭେଲିୟନ ଫେରିଥିଲେ । ଖବର ଲେଖାଯିବା ସୁଦ୍ଧା ଅଷ୍ଟ୍ରେଲିଆ ଟିମ୍ ୭ ୱିକେଟ୍ ହରାଇ ୪୩୫ ରନ୍ କରିଛି । ଅଷ୍ଟ୍ରେଲିଆ ପାଇଁ ଆଲକ୍ସ କ୍ୟାରୀ (୩୬ ରନ) ଏବଂ ପାଟ୍ କମିନ୍ସ (୫ ରନ୍) ବ୍ୟାଟିଂ କରୁଛନ୍ତି ।

Also Read: ରୋହିତ ଶର୍ମାଙ୍କୁ କଡ଼ା ସମାଲୋଚନା, ବରିଷ୍ଠ ଖେଳାଳି କହିଲେ- ମୁଁ ଯଦି ଅଧିନାୟକ ହୋଇଥାନ୍ତି ଅଶ୍ୱିନୀ…