ଆନନ୍ଦପୁର, ୩୧/୧୨: କେନ୍ଦୁଝର ଜିଲ୍ଲା ରେମାଳ ଡ୍ୟାମରେ ବୁଡି ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତକ ଘଷିପୁରା ଥାନା ଢିଙ୍କିଆ ଗାଁ କାଳନ୍ଦୀ ଚରଣ ସାହୁଙ୍କ ପୁଅ ସୁବ୍ରତ ବୋଲି ଜଣାପଡ଼ିଛି । ରେମାଳ ଡ୍ୟାମକୁ ଫଟୋ ଉଠାଇବାକୁ ସୁବ୍ରତ ତାର ୪-୫ ଜଣ ସାଙ୍ଗଙ୍କ ସହ ଯାଇଥିଲା । ଏହି ସମୟରେ ସେମାନଙ୍କ ମଧ୍ୟରୁ କିଛି ସାଙ୍ଗ ଡ୍ୟାମ୍ ତଳ ନଦୀରେ ଗାଧୋଉଥିଲେ । ଗୋଡ ଖସିଯିବାରୁ ରୋସନ ପୃଷ୍ଟି ନାମକ ଯୁବକ ପାଣିରେ ବୁଡିଯାଇଥିଲେ ।
ସାଙ୍ଗକୁ ଉଦ୍ଧାର କରିବାକୁଯାଇ ପାଣିକୁ ଡେଇଁ ପଡିଥିଲେ ସୁବ୍ରତ । ସାଙ୍ଗ ତ ଉଦ୍ଧାର ହୋଇଥିଲା, ହେଲେ ସୁବ୍ରତ ଆଉ ପାଣିରୁ ବାହାରିପାରି ନଥିଲା । ବହୁ ସମୟପରେ ତାଙ୍କୁ ସ୍ଥାନୀୟ ଲୋକେ ଉଦ୍ଧାରକରି ଡାକ୍ତରଖାନାରେ ପହଁଞ୍ଚାଇଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
