ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

କଲଭର୍ଟ କାମରେ ବ୍ୟାପକ ଦୁର୍ନୀତି : ରାସ୍ତା କାମରେ କଂକ୍ରିଟ ମଝିରେ ବାଲିବସ୍ତା ଦେଇ ଅଧିକାରୀ ଠକୁଥିବା ଅଭିଯୋଗ, ସବୁ ଜାଣି ନିଦାବିଷ୍ଣୁ ସାଜିଛି ପ୍ରଶାସନ

8/06/2019 at 5:22 PM

ତରଭା ୮|୬: କଲଭର୍ଟ କାମରେ ବ୍ୟାପକ ଦୁର୍ନୀତି । କୋଟି କୋଟି ଟଙ୍କା ବ୍ୟୟରେ ଚାଲିଥିବା ରାସ୍ତା କାମରେ ବ୍ୟାପକ ଘୋଟାଲା ।  କିଛି ଦୁର୍ନୀତିଖୋର ଅଧିକାରୀ ଓ ଠିକାଦାରଙ୍କ ମଧୁଚନ୍ଦ୍ରିକା ଯୋଗୁଁ ପାଣିରେ ପଡୁଛି ରାଜକୋଷରୁ ଆସୁଥିବା ଅର୍ଥ । ସୁବର୍ଣ୍ଣପୁର ଜିଲ୍ଲା ତରଭାରେ ଚାଲିଥିବା ରାସ୍ତା କାମରେ କଂକ୍ରିଟ ମଝିରେ ବାଲିବସ୍ତା ଦେଇ ଠକୁଛନ୍ତି ଅଧିକାରୀ । ସବୁ ଜାଣି ନିଦାବିଷ୍ଣୁ ସାଜିଛି ପ୍ରଶାସନ ।

ରାସ୍ତା କାମରେ ଦୁର୍ନୀତିର ଗନ୍ଧ । କିଭଳି କଲର୍ଭଟ ଭିତରେ ରଖାଯାଇଛି ବାଲିବସ୍ତା ଦେଖନ୍ତୁ । ଏଭଳି ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ଦେଉଳପଦର ଛକ ନିକଟରେ ଚାଲିଥିବା କଲଭର୍ଟ କାମର ।  ଟିକେ ନିରିଖି ଦେଖିଲେ ଜାଣିପାରିବେ କିଭଳି ସିମେଣ୍ଟ କଙ୍କ୍ରିଟ ମଝିରେ ବାଲିବସ୍ତା ଖଞ୍ଜାଯାଇଛି । ଆଉ ସ୍ଥାନୀୟ ଲୋକେ ଏହାକୁ ଦେଖିବା ପରେ ନିଜେ ବାଲିବସ୍ତା ବାହାର କରୁଛନ୍ତି । ଖାରୀ ରୁ କୁମୁଣ୍ଡେ ପର୍ଯ୍ୟନ୍ତ ଚାଲିଥିବା ରାସ୍ତା ନିର୍ମାଣରେ ବ୍ୟାପକ ଘୋଟାଲା ହୋଇଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକ । କାମ ଅତି ନିମ୍ନ ମାନର । ସଠିକ ପରିମାଣରେ ବାଲି ସିମେଣ୍ଟ ମିଶ୍ରଣ ହେଉନଥିବାରୁ ରାସ୍ତାର ସ୍ଥାୟିତ୍ବ ନେଇ ଉଠିଛି ପ୍ରଶ୍ନ ।

୧୦ କିଲୋମିଟରର ରାସ୍ତା ନିର୍ମାଣ ପାଇଁ ୭ କୋଟି ୧୧ଲକ୍ଷ ୨୦ହଜାର ୪୫୦ ଟଙ୍କାର ବ୍ୟୟବରାଦ ହୋଇଛି । କେ.ଏଲ ଇନଫ୍ରାବିଲ୍ଡ ପ୍ରାଇଭେଟ ଲିମିଟେଡ ନାମକ ଏକ ଘରୋଇ ସଂସ୍ଥା ଏହାର ନିର୍ମାଣ ଦାୟିତ୍ବ ନେଇଛି । କୋଟି କୋଟି ଟଙ୍କା ବ୍ୟୟରେ ନିର୍ମାଣ ଚାଲିଥିବା ରାସ୍ତା କାମରେ ବ୍ୟାପକ ଚଞ୍ଚକତା ହୋଇଥିବା ଅଭିଯୋଗ ହୋଇଛି । ଲୋକଙ୍କ ଅଭିଯୋଗ ପରେ ନିର୍ବାହି ଯନ୍ତ୍ରୀ ଆସି ଘଟଣା ସ୍ଥଳ ବୁଲି ଦେଖିଛନ୍ତି । କିନ୍ତୁ ଏ ନେଇ କୌଣସି ପ୍ରତିକ୍ରିୟା ରଖିବାକୁ ମନା କରି ଦେଇଛନ୍ତି ।

ବଲାଙ୍ଗିର ପାଟଣାଗଡରେ ନିମ୍ନମାନର କାମକୁ ନେଇ ବିଭାଗୀୟ କନିଷ୍ଠ ଯନ୍ତ୍ରୀ ଲୋକଙ୍କ ରୋଷର ଶିକାର ହୋଇଛନ୍ତି । ଏହି ଖବର ଏବେ ଚର୍ଚ୍ଚାରେ ରହିଛି । ଏହି ସମୟରେ ପଡୋଶୀ ସୋନପୁର ଜିଲ୍ଲାରେ ପୂର୍ତ୍ତ ବିଭାଗର ଆଉ ଏକ ଚଞ୍ଚକତା ପଦାରେ ପଡିଛି ।

   Related Posts