scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସେମିକଣ୍ଡକ୍ଟର ନିର୍ମାଣ ଯୋଜନାକୁ ଝଟକା ! ବେଦାନ୍ତ ସହ ବୁଝାମଣା ରଦ୍ଦ କଲା ଫକ୍ସକନ

10/07/2023 at 6:57 PM

ନୂଆଦିଲ୍ଲୀ: ସେମିକଣ୍ଡକ୍ଟର ନର୍ମାତା କମ୍ପାନି ଫକ୍ସକନ ଭାରତରେ ସେମିକଣ୍ଡକ୍ଟର ନିର୍ମାଣ ପାଇଁ ବେଦାନ୍ତ ସହ କରିଥିବା ନିଜ ବୁଝାମଣାକୁ ରଦ୍ଦ କରିବାକୁ ଘୋଷଣା କରିଛି । ଗତ ବର୍ଷ ବେଦାନ୍ତ ଏବଂ ଫକ୍ସକନ ଗୁଜରାଟରେ ୧୯.୫ ବିଲିୟନ ଡଲାର ନିବେଶ ସହ ସେମିକଣ୍ଡକ୍ଟର ଏବଂ ଡିସପ୍ଲେ ଉତ୍ପାଦନ ପ୍ଲାଣ୍ଟ ନିର୍ମାଣ ପାଇଁ ଘୋଷଣା କରିଥିଲେ ।

ରିପୋର୍ଟ ଅନୁସାରେ ଫକ୍ସକନ ଏକ ବୟାନ ଜାରି କହିଛି ଯେ ବେଦାନ୍ତର ପୂରା ମାଲିକାନାରେ ଥିବା କମ୍ପାନି ନିଜ ନାଁ ହଟାଇବା ଉପରେ କାର୍ଯ୍ୟ କରୁଛି । ଫକ୍ସକନ ବିନା କୌଣସି କାରଣ ନଦର୍ଶାଇ କହିଛି ଯେ କମ୍ପାନି ବେଦାନ୍ତ ସହ ଜଏଣ୍ଟ ଭେଞ୍ଚରକୁ ନେଇ ଏବେ ଆଉ ଆଗକୁ ନବଢିବା ପାଇଁ ନିଷ୍ପତ୍ତି ନେଇଛି ।

ଗତ ବର୍ଷ ବେଦାନ୍ତ ପକ୍ଷରୁ ଡିସକ୍ଲୋଜର ଆସିଥିଲା, ଯେଉଁଥିରୁ ଜଣାପଡୁଥିଲା ଯେ ପ୍ରୋଜେକ୍ଟକୁ ସେ ହିଁ ଚଲାଉଛି । ପରେ କମ୍ପାନି ସ୍ପଷ୍ଟୀକରଣ ଦେଇଥିଲା ଯେ ୱାଲକେନ ଇନଭେଷ୍ଟମେଣ୍ଟ ଏହି ପ୍ରୋକେକ୍ଟକୁ ଆଗକୁ ବଢାଉଛି । ଗତ ସପ୍ତାହରେ ସେୟାର ବଜାର ନିୟାମକ ସେବି, ବେଦାନ୍ତ ଉପରେ ଜରିମାନା ଲଗାଇବାକୁ ଘୋଷଣା କରିଥିଲା । ସେବି କହିଥିଲା ଯେ କମ୍ପାନି ଫକ୍ସକନ ସହ ଯେଉଁ ବୁଝାମଣା କରିଛି ତାହା ନିୟମର ଉଲ୍ଲଂଘନ ହେଉଥିବା ସଂସ୍ଥା ଅନୁଭବ କରୁଛି । ଏହା ପୂର୍ବରୁ ଶୁକ୍ରବାର ବେଦାନ୍ତ କହିଥିଲା ଯେ ଜଏଣ୍ଟ ଭେଞ୍ଚରର ହୋଲ୍ଡିଂ କମ୍ପାନିର ଅଧିଗ୍ରହଣ କରିବ, ଯିଏ ଫକ୍ସକନ ସହ ମିଶି ସେମିକଣ୍ଡକ୍ଟର ନିର୍ମାଣ ପାଇଁ ବୁଝାମଣା କରିଛି । କମ୍ପାନି କହିଥିଲା ଯେ ସେ ଡିସପ୍ଲେ ଗ୍ରାସ ମେନ୍ୟୁଫେକଚରିଂ ଭେଞ୍ଚରକୁ ମଧ୍ୟ ୱାଲକେନ ଇନଭେଷ୍ଟମେଣ୍ଟ ଅଧିଗ୍ରହଣ କରିବ ।

ଗତ ବର୍ଷ ଅନିଲ ଅଗ୍ରୱାଲଙ୍କ ବେଦାନ୍ତ ଫକ୍ସକନ ସହ ମିଶି ଗୁଜାରଟରେ ସେମିକଣ୍ଡକ୍ଟର ଏବଂ ଡିସପ୍ଲେ ମେନ୍ୟୁଫେକଚରିଂ ପ୍ରୋଜେକ୍ଟ ଆରମ୍ଭ କରିବାକୁ ନିଷ୍ପତ୍ତି ନେଇଥିଲା । ଏଥିପାଇଁ ଗୁଜରାଟ ସରକାରଙ୍କଠାରୁ ମଧ୍ୟ ଅନୁମତି ମିଳିଥିଲା । ଫକ୍ସକନର ଏହି ନିଷ୍ପତ୍ତି ଉପରେ ପ୍ରତିକ୍ରିୟା ରଖି କେନ୍ଦ୍ର ଆଇଟି ରାଷ୍ଟ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର କହିଛନ୍ତି ଯେ ଭାରତର ସେମିକଣ୍ଡକ୍ଟର ଲକ୍ଷ୍ୟ ଉପରେ ଏହାର କୌଣସି ପ୍ରଭାବ ପଡ଼ିବ ନାହିଁ ।

ଫକ୍ସକନ କହିଛି ଯେ କମ୍ପାନିକୁ ଭାରତର ସେମିକଣ୍ଡକ୍ଟରକୁ ନେଇ ଯୋଜନା ଉପରେ ଭରସା ରହିଛି । କମ୍ପାନି ଭାରତ ସରକାରଙ୍କ ସହ ମେକ୍ ଇନ୍ ଇଣ୍ଡିଆ ଲକ୍ଷ୍ୟକୁ ପୂରା ସମର୍ଥନ କରୁଛି ଏବଂ ସେ ସ୍ଥାନୀୟ ପାର୍ଟନରଶିପ ଜରିଆରେ ଷ୍ଟେକହୋଲ୍ଡର୍ସଙ୍କ ଆବଶ୍ୟକତାକୁ ପୂରଣ କରିବ ।

   Related Posts