କାନାଡା ୧୨/୫: ଖଲିସ୍ତାନୀ ଆତଙ୍କୀ ହରଦୀପ ସିଂ ନିଜ୍ଜର ମର୍ଡର କେସ । ଆଉ ଜଣେ ଭାରତୀୟଙ୍କୁ  ଗିରଫ କରିଛି କାନାଡା ପୋଲିସ । ଗିରଫ ଅଭିଯୁକ୍ତ ୨୨ ବର୍ଷୀୟ ଅମନଦୀପ ସିଂ । ଅସ୍ତ୍ରଶସ୍ତ୍ର ରଖିବା ମାମଲାରେ ପୂର୍ବରୁ ପୋଲିସ ହେପାଜତରେ ଥିଲା ଅମନଦୀପ । ଏବେ ଆତଙ୍କୀ ନିଜ୍ଜର ହତ୍ୟା ମାମଲାରେ ସଂପୃକ୍ତି ଅଭିଯୋଗରେ ଗିରଫ କରାଯାଇଛି । ଅମନଦୀପଙ୍କୁ ମିଶାଇ ଏବେ ସୁଦ୍ଧା ୪ ଜଣକୁ ଗିରଫ କରିସାରିଲାଣି କାନାଡା ପୋଲିସ । 

ନିଜ୍ଜର ହତ୍ୟା ମାମଲାରେ କାନାଡା ପ୍ରଧାନମନ୍ତ୍ରୀ ଜଷ୍ଟିସ ଟ୍ରୁଡୋଙ୍କ ମନ୍ତବ୍ୟକୁ ନେଇ ବିବାଦ ହୋଇଥିଲା । ନିଜ୍ଜର ହତ୍ୟା ମାମଲାରେ ଭାରତର ହାତ ଥିବା ଅଭିଯୋଗ କରିଥିଲେ ପ୍ରଧାନମନ୍ତ୍ରୀ ଟ୍ରୁଡୋ । ଯାହାକୁ ନେଇ ଉଭୟ ଦେଶ ମଧ୍ୟରେ ସଂପର୍କ ଖରାପ ହୋଇଥିଲା । ପୂର୍ବରୁ ମାମଲାର ୩ ଅଭିଯୁକ୍ତଙ୍କୁ ମଇ ମାସ ୩ ତାରିଖରେ ଗିରଫ କରିଥିଲା କାନାଡା ପୋଲିସ । ଭାରତ ସରକାରଙ୍କ ସହ ଅଭିଯୁକ୍ତଙ୍କର କୌଣସି ସଂପର୍କ ଅଛି କି ନାହିଁ ତାର ଯାଞ୍ଚ କରୁଛି ତଦନ୍ତକାରୀ ସଂସ୍ଥା ।