ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାନ୍ଦବାଲି: କଇଥଖୋଲା ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ରୁ ଅଧିକ ଦୋକାନ
  • ||
  • ବ୍ରହ୍ମପୁରରେ ପୁଣି ରାଗିଂ ଅଭିଯୋଗ, ଘରୋଇ ସ୍କୁଲରେ ଜୁନିୟରଙ୍କୁ ପିଟିଲେ ସିନିୟର
  • ||
  • ଭୁବନେଶ୍ୱର: ଗୁମର ଖୋଲିଛି ଶ୍ରଦ୍ଧାଞ୍ଜଳୀ, ଇଡି ହାତରେ ଲାଗିଛି ବିସ୍ଫୋରକ ତଥ୍ୟ
  • ||
  • ଚାନ୍ଦବାଲି: କଇଥଖୋଲା ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ରୁ ଅଧିକ ଦୋକାନ
  • ||

ଟିଭି ଅଭିନେତ୍ରୀଙ୍କ ହତ୍ୟାର ପ୍ରତିଶୋଧ, ୨୪ଘଣ୍ଟାରେ ୪ ଆତଙ୍କବାଦୀଙ୍କୁ ଏନ୍‌କାଉଣ୍ଟର କଲେ ସୁରକ୍ଷାକର୍ମୀ

27/05/2022 at 9:30 AM

ଶ୍ରୀନଗର ୨୭।୫: ଟିଭି ଅଭିନେତା ଅମରିନ୍ ଭଟ୍ଟଙ୍କୁ ହତ୍ୟା କରିଥିବା ଆତଙ୍କବାଦୀଙ୍କ ସମେତ ୪ଜଣଙ୍କୁ ଏନକାଉଣ୍ଟର କରିଛନ୍ତି ସୁରକ୍ଷାକର୍ମୀ । ଗୁରୁବାର ବିଳମ୍ବିତ ରାତିରେ ଏହି ଏନକାଉଣ୍ଟର ଘଟିଛି । ଅବନ୍ତିପୋରା ଏବଂ ଶ୍ରୀନଗରରେ ଦୁଇ ଆତଙ୍କବାଦୀଙ୍କୁ ନିହତ କରିବା ସହ ସେମାନଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ସେହି ଆତଙ୍କବାଦୀମାନଙ୍କୁ ଲୁଚାଇ ରଖିଥିବା ବ୍ୟକ୍ତିଙ୍କୁ ଜାମ୍ମୁକାଶ୍ମୀର ପୋଲିସ ଏବେ ଖୋଜୁଛି ।

କାଶ୍ମୀର ଜୋନ୍ ଆଇଜି ବିଜୟ କୁମାର କହିଛନ୍ତି ଯେ, ସୂଚନାଦାତାଠାରୁ ସୂଚନା ମିଳିବା ପରେ ଅବନ୍ତିପୋରା ଅଗନହାଞ୍ଜିପୋରାରେ ସର୍ଚ୍ଚ ଅପରେସନ୍ ଆରମ୍ଭ କରାଯାଇଥିଲା । ଘରେ ଘରେ ଛାନଭିନ୍ ବେଳେ ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇଥିଲେ । ଫଳରେ ସୁରକ୍ଷାକର୍ମୀ ପାଲଟା ଗୁଳିଚାଳନା କରିଥିଲେ । କିଛି ସମୟ ପରେ ସୁରକ୍ଷାକର୍ମୀଙ୍କ ଗୁଳିରେ ଦୁଇ ଜଣ ଆତଙ୍କବାଦୀ ନିହତ ହୋଇଥିଲେ ।

ସେ ଆହୁରି କହିଛନ୍ତି ଯେ, ଆତଙ୍କବାଦୀଙ୍କ ପରିଚୟ ମିଳିଛି । ଦୁଇ ଆତଙ୍କବାଦୀ ଗଡଗାମ୍ ନିବାସୀ ଶାଦି ମୁସ୍ତାକ ଭଟ୍ଟ ଏବଂ ପୁଲଓ୍ବାମା ନିବାସୀ ଫରହାନ ହବିବ । ଉଭୟ ଆତଙ୍କବାଦୀ ନିକଟରେ ଆତଙ୍କୀ ସଂଗଠନ ଲସ୍କର-ଏ-ତୋଇବାରେ ସାମିଲ ହୋଇଥିଲେ । ସେମାନେ ହିଁ ଲସ୍କର କମାଣ୍ଡର ଲତିଫର କହିବା ଅନୁସାରେ ଟିଭି ଅଭିନେତ୍ରୀ ଅମରିନ୍ ଭଟ୍ଟଙ୍କୁ ବୁଧବାର ଦିନ ଗୁଳିମାରି ହତ୍ୟା କରିଥିଲେ । ଉଭୟଙ୍କୁ ନିକଟରୁ ଗୋଟିଏ ଏକେ-୫୬ ରାଇଫଲ, ଗୋଟିଏ ପିସ୍ତଲ ଏବଂ ୪ଟି ମ୍ୟାଗାଜିନ୍ ମିଳିଛି । ସେହିଭଳି ଶ୍ରୀନଗରରେ ସୁରକ୍ଷାକର୍ମୀ-ଆତଙ୍କବାଦୀ ଗୁଳିବିନିମୟ ବେଳେ ଲସ୍କର-ଏ-ତୋଇବାର ଦୁଇ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଛି ।

   Related Posts