ମାର୍ଶାଘାଇ ୯।୬: କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଅନ୍ତର୍ଗତ ୫୩ ନମ୍ବର ଜାତୀୟ ରାଜପଥରେ କାର୍ ଦୁର୍ଘଟଣା ହୋଇଛି । ଦୁର୍ଘଟଣା ଫଳରେ ୪ ଜଣ ଆହତ ହୋଇଛନ୍ତି । ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, କେନ୍ଦ୍ରାପଡା ଜିଲ୍ଲା ୫୩ ନମ୍ବର ଜାତୀୟ ରାଜପଥ ବେଲାର ନୂଆଗାଁ ଗୋଡାରେ ସଡ଼କ ଦୁର୍ଘଟଣା ହୋଇଛି । ବେଲାର ନୂଆଗାଁ ଗୋଡା ନିକଟରେ ଏକ ଆଇରନ ବୋଝେଇ ଟ୍ରକ୍ ରାସ୍ତାକଡରେ ଅଟକି ରହିଥିବା ବେଳେ ପଛପଟୁ କାର୍‌ଟି ଦ୍ରୁତ ଗତିରେ ଆସି ଟ୍ରକ୍ ପଛରେ ଧକ୍କା ହୋଇଥିଲା । ଦୁର୍ଘଟଣାରେ ୪ ଜଣ ଅଲେଖ ଧର୍ମାବଲମ୍ବୀ ସାଧୁ ଗୁରୁତର ହୋଇଛନ୍ତି । କାର୍‌ରେ ୪ ଜଣ ଅଲେଖ ମହିମା ଧର୍ମାବଲମ୍ବୀ ସାଧୁ ପାରାଦ୍ବୀପ ଯାଉଥିବା ବେଳେ ଏହି ଦୁର୍ଘଟଣା ଘଟିଥିବା ଜଣାପଡିଛି । ସ୍ଥାନୀୟ ଲୋକମାନେ ସାଧୁମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ କେନ୍ଦ୍ରାପଡା ଜିଲ୍ଲା ସ୍ବାସ୍ଥ୍ୟକେନ୍ଦ୍ରକୁ ପଠାଇଥିଲେ । ଏହି ଦୁର୍ଘଟଣାରେ ସାଧୁ ସୁବ୍ରତ ଦାସ ଏବଂ ସାଧୁ ଉଦୟ ଦାସ ଅଧିକ ଗୁରୁତର ଥିବା ଜଣାପଡିଛି । ସାଧୁମାନେ ସକାଳୁ ରାଜନଗର ହାତିନା ଆଶ୍ରମରୁ ପାରାଦୀପ କୌଣସି କାର୍ଯ୍ୟକ୍ରମ ପାଇଁ ଯାଉଥିବା ଜଣାପଡିଛି । ମାର୍ଶାଘାଇ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।

You Can Read :