ବଡବିଲ ୭।୯: ଡକାୟତି ଯୋଜନା ବେଳେ ମାଡ଼ି ବସିଲା ପୋଲିସ । ୪ ଜଣ ହାଇୱେ ଲୁଟେରା ଗିରଫ ହୋଇଥିବା ବେଳେ ଜଣେ ଫେରାର ହୋଇଯାଇଛନ୍ତି ।
ସୂଚନାଯୋଗ୍ୟ ଯେ, ବୁଧବାର ବିଳମ୍ବିତ ରାତି ପ୍ରାୟ ୧ଟା ସମୟରେ ବଡ଼ବିଲ ଦାମୁ ହଟିଂ ଅଞ୍ଚଳରେ ଏକ ଲୁଟେରା ଗ୍ୟାଙ୍ଗ ହାଇୱେରେ ଯାଉଥିବା ବିଭିନ୍ନ ଟ୍ରକରୁ ଲୁଟ୍ ପାଇଁ ଯୋଜନା କରୁଥିବା ନେଇ ବଡ଼ବିଲ ପୋଲିସ କୌଣସି ସୂତ୍ରରୁ ଖବର ପାଇଥିଲା । ଏନେଇ ପୋଲିସର ଏକ ଟିମ୍ ସେଠାରେ ଅତର୍କିତ ଚଢ଼ାଉ କରି ଲୁଟେରା ଗ୍ୟାଙ୍ଗକୁ ଧରିବାରେ ସକ୍ଷମ ହୋଇଥିଲା । ତେବେ ଜଣେ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିଲା । ଅଭିଯୁକ୍ତଙ୍କ ନିକଟରୁ ଏକ ଆର୍ଟିଗା କାର୍, ଦେଶୀ ବନ୍ଧୁକ, ୨ଟି ଦାଉଳୀ, ଲଙ୍କା ପାଉଡର, ୬ଟି ମୋବାଇଲ ଫୋନ୍ ସହ ୪ଟି ବିୟର ବୋତଲ ଜବତ ହୋଇଥିବା ନେଇ ପୋଲିସ ସୂଚନା ଦେଇଛି । ଗିରଫ ୪ ଜଣଙ୍କ ମଧ୍ୟରୁ ରାକେଶ ଚୌଧୁରୀ, ସନ୍ଦୀପ ସିଂ, ବିଲଟୁ ସିଂ ଝାଡ଼ଖଣ୍ଡ ପଶ୍ଚିମ ସିଂହଭୂମ ଅଞ୍ଚଳର ହୋଇଥିଲା ବେଳେ, ରବି କୁମାର ରାମ, ବଡ଼ବିଲ ସୁନ୍ଦର ବସ୍ତି ଅଞ୍ଚଳର ବାସିନ୍ଦା ବୋଲି ଜଣାପଡିଛି । ଗୁରୁବାର ଏମାନଙ୍କୁ କୋର୍ଟ ଚାଲାଣ କରାଯାଇଛି ।
You Can Read :
wp:embed {"url":"https://www.prameyanews7.com/gold-biscuit-seized-from-bhubaneswar-airport/","type":"wp-embed","providerNameSlug":"prameya-news-7"}
