ଦୁବାଇ: ପାକିସ୍ତାନ ପୂର୍ବତନ ରାଷ୍ଟ୍ରପତି ଜେନେରାଲ ପରଭେଜ୍ ମୁଶାରଫଙ୍କ ପରଲୋକ । ୭୯ବର୍ଷ ବୟସରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଦୁବାଇର ଏକ ହସ୍ପିଟାଲରେ ନିଧନ ହୋଇଥିବା ସୂଚନା ମିଳିଛି । ୨୦୧୬ରୁ  ଲମ୍ବା ସମୟ ଧରି ସେ ରୋଗରେ ପୀଡିତ ଥିଲେ । ମୁଶାରଫ୍‌ଙ୍କ ପରଲୋକ ନେଇ ପାରିବାର ଲୋକ ସୂଚନା ଦେଇଛନ୍ତି।

wp:html

-ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ୍ ମୁଶାରଫ୍‌ଙ୍କ ଦେହାନ୍ତ
-ଦୁବାଇର ଏକ ଘରୋଇ ହସ୍ପିଟାଲରେ ତାଙ୍କ ମୃତ୍ୟୁ ଘଟିଛି
-ମୃତ୍ୟୁ ବେଳକୁ ତାଙ୍କୁ ୭୯ ବର୍ଷ ବୟସ ହୋଇଥିଲା#Pervez_Musharraf #Pakistan #PrameyaNews7

— Prameya News7 (@NEWS7Odia) February 5, 2023

/wp:html

ପରଭେଜ୍ ମୁଶାରଫ୍‌ ୨୦୦୧ରୁ ୨୦୦୮ ମସିହା ପର୍ଯ୍ୟନ୍ତ ପାକିସ୍ତାନର ରାଷ୍ଟ୍ରପତି ଥିଲେ । ଏହା ପୂର୍ବରୁ ସେ ପାକିସ୍ତାନୀ ସେନାର ମୁଖ୍ୟ ଭାବେ କାର୍ଯ୍ୟ କରିଥିଲେ । ୧୯୯୯ ଭାରତ-ପାକିସ୍ତାନ କାର୍ଗିଲ ଯୁଦ୍ଧ ପାଇଁ  ମୁଶାରଫ୍‌ଙ୍କୁ ଦାୟୀ କରାଯାଇଥିଲା । ୧୯୬୫ ମସିହାରେ ଭାରତ-ପାକ୍ ଯୁଦ୍ଧ ଲଢିଲେ ମୁଶାରଫ୍ । ୧୯୭୧ ଭାରତ-ପାକିସ୍ତାନ ଯୁଦ୍ଧରେ ସେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲେ ।

{"id":741884,"width":837,"height":497,"sizeSlug":"full","linkDestination":"none"}

୧୯୪୩ ଅଗଷ୍ଟ ୧୧ ତାରିଖରେ ବ୍ରିଟିଶ ଶାସନ କାଳରେ ଦିଲ୍ଲୀରେ ଜନ୍ମ ହୋଇଥିଲେ ଜେନେରାଲ ପରଭେଜ୍ ମୁଶାରଫ । ୧୯୬୧ ମସିହା ଅପ୍ରେଲ୍ ୧୯ ତାରିଖରେ ପାକିସ୍ତାନ ସେନାର କମିସନ ହାସଲ କରିଥିଲେ । ପରେ ମୁଶାରଫ୍ ସେନାର ସ୍ପେଶାଲ ସର୍ଭିସ ଗ୍ରୁପରେ ସାମିଲ ହୋଇଥିଲେ । ୧୯୬୫ ଏବଂ ୧୯୭୧ ଭାରତ-ପାକ୍ ଯୁଦ୍ଧରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲେ । ୧୯୯୮ରେ ତାଙ୍କୁ ପାକିସ୍ତାନ ସେନାରେ ଜେନେରାଲ୍ ପଦକୁ ପଦୋନ୍ନତି ମିଳିଥିଲା । ପରେ ଜେନେରାଲ୍ ପରଭେଜ୍ ମୁଶାରଫ ପାକିସ୍ତାନ ସେନାର ଦାୟିତ୍ବ ସମ୍ଭାଳିଥିଲେ ।

{"id":741885,"width":839,"height":498,"sizeSlug":"full","linkDestination":"none"}

ଏହାର ଏକ ବର୍ଷ ପରେ ଅର୍ଥାତ୍ ୧୯୯୯ ଅକ୍ଟୋବରେ ମୁଶାରଫ୍ ପାକିସ୍ତାନ ରାଜନୀତିରେ ଏଣ୍ଟ୍ରି ମାରିଥିଲେ । ଜନମତ ଆଧାରରେ ୨୦୦୨ରେ ତାଙ୍କୁ ରାଷ୍ଟ୍ରପତି ଭାବେ ଘୋଷଣା କରାଯାଇଥିଲା । ଏହା ପରେ ୨୦୦୮ ପର୍ଯ୍ୟନ୍ତ ସବୁଠାରୁ ଲମ୍ବା ସମୟ ଧରି ପାକିସ୍ତାନର ରାଷ୍ଟ୍ରପତି ଭାବେ ରହିଥିଲେ । ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ବେନଜିର୍ ଭଟ୍ଟି ହତ୍ୟାକାଣ୍ଡ ଓ ଲାଲ୍ ମସଜିଦ୍‌ର ମୌଲବୀଙ୍କ ହତ୍ୟା ମାମଲାରେ ମୁଶାରଫ୍‌ଙ୍କୁ ପଳାୟନପନ୍ଥୀ ଘୋଷଣା କରିଥିଲେ ପାକିସ୍ତାନ ସରକାର । ୨୦୦୭ରେ ମୁଶାରଫ୍‌ଙ୍କୁ ରାଜଦ୍ରୋହ ମକଦ୍ଦମାର ସାମ୍ନା କରିବାକୁ ପଡ଼ିଥିଲା ।  

{"id":741890,"width":833,"height":495,"sizeSlug":"full","linkDestination":"none"}

୨୦୦୧ରେ ଆଗ୍ରା ଶାନ୍ତି ସମ୍ମିଳନୀରେ ଭାଗ ନେବାକୁ ଭାରତ ଆସିଥିଲେ ପରଭେଜ୍ ମୁଶାରଫ । ଏହି ସମୟରେ ସେ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସହିତ ଦୁଇ ଦେଶ ମଧ୍ୟ ଶାନ୍ତି ବାର୍ତ୍ତା ନେଇ ଆଲୋଚନା କରିଥିଲେ । ଏହା ପରେ ୨୦୦୫ରେ କଂଗ୍ରେସ ସରକାର ସମୟରେ ନୂଆଦିଲ୍ଲୀ ଆସି ପ୍ରଧାନମନ୍ତ୍ରୀ ଡ. ମନମୋହନ ସିଂଙ୍କ ସହିତ ସାକ୍ଷାତ କରିଥିଲେ ।

{"id":741889,"width":827,"height":677,"sizeSlug":"full","linkDestination":"none"}