ଭୁବନେଶ୍ୱର: ଉତ୍କଳ ଚ୍ୟାମ୍ବରର ଅଫ କମର୍ସର ସଦସ୍ୟ ଓ ଟିଭି ପ୍ୟାନେଲିଷ୍ଟ ବିଏସ୍ ପାଣିଙ୍କର ପରଲୋକ ହୋଇଛି। ବେଙ୍ଗାଲୁରୁ ଠାରେ ନାଲ୍କୋର ଟେକ୍ନିକାଲ ବିଭାଗର ପୂର୍ବତନ ଡିଜିଏମ୍ ଶ୍ରୀ ପାଣିଙ୍କର ଗତକାଲି ରାତିରେ ବିୟୋଗ ହୋଇଥିବା ସୂଚନା ମିଳିଛି।
ମିଳିଥିବା ସୂଚନା ଅନୁସାରେ, ୭୩ ବର୍ଷୀୟ ପାଣି କର୍କଟ ରୋଗରେ ପୀଡ଼ିତ ହୋଇ ଦୀର୍ଘଦିନ ଧରି ଚିକିତ୍ସିତ ହେଉଥିଲେ। ଘରେ ତାଙ୍କ ପତ୍ନୀ ସୁଶ୍ମିତା ପାଣି ଓ ଏକମାତ୍ର ପୁଅ ଗୌରବ ପାଣି ଅଛନ୍ତି। ତାଙ୍କ ବିୟୋଗରେ ତାଙ୍କ ଶୁଭେଚ୍ଛୁ ଶୋକ ପ୍ରକାଶ କରିବା ସହ ଶୋକ ସନ୍ତପ୍ତ ପରିବାର ପ୍ରତି ସମବେଦନା ଜଣାଇଛନ୍ତି।