suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସମାଜ ପାଇଁ ଉଦାହରଣ ସାଜିଲେ ପୂର୍ବତନ ବିଧାୟକ, ପୁଅର ମୃତ୍ୟୁ ପରେ ବୋହୂର କଲେ ଦ୍ୱିତୀୟ ବିବାହ

25/01/2023 at 3:26 PM

ଢେଙ୍କାନାଳ ୨୫/୦୧: କିଛି ମାସ ପରେ ଚର୍ଚ୍ଚାକୁ ଆସିଛନ୍ତି ଢେଙ୍କାନାଳର ପୂର୍ବତନ ବିଧାୟକ ନବୀନ ନନ୍ଦ । ଏଥର କିନ୍ତୁ ସମାଜ ପାଇଁ ସୃଷ୍ଟି କରିଛନ୍ତି ନିଆରା ଉଦାହରଣ । ତାଙ୍କର ବଡ଼ ପୁଅ ସମ୍ବିତର ମୃତ୍ୟୁ ପରେ ବିଧବା ବୋହୂ ମଧୁସ୍ମିତାର କରାଇଛନ୍ତି ଦ୍ଵିତୀୟ ବିବାହ । ଯାହାକି ସମସ୍ତଙ୍କ ପାଇଁ ପ୍ରେରଣା ବୋଲି ସଭିଏଁ କହି ବୁଲୁଛନ୍ତି ।

ଉଭୟ ନବୀନ ନନ୍ଦ ଓ ତାଙ୍କ ସମୁଦି ତଥା ମଧୁସ୍ମିତାଙ୍କର ବାପା ନୀଳମଣି ପଣ୍ଡାଙ୍କ ସମ୍ମତି କ୍ରମେ ତାଙ୍କ ବୋହୂର ଦ୍ୱିତୀୟ ବିବାହ କରାଇଛନ୍ତି ନବୀନ ନନ୍ଦ । ଏହି ବାହାଘର ଭୁବନେଶ୍ୱର ନୟାପଲ୍ଲୀ ସ୍ଥିତ” ଲକ୍ଷ୍ମୀ ମନ୍ଦିର” ପରିସରରେ ଅତି ନିରାଡ଼ମ୍ବର ଭାବେ ସମ୍ପର୍ଣ୍ଣ ହୋଇଛି । “ମଧୁସ୍ମିତା”ଙ୍କ ବିବାହ ବାଲେଶ୍ୱର ଜିଲ୍ଲା ରେମୁଣା ନିବାସୀ ସ୍ୱର୍ଗତ କିଶୋର ଚନ୍ଦ୍ର ପତିଙ୍କର ଏକ ମାତ୍ର ପୁତ୍ର “ଶିବ ଚନ୍ଦନ”ଙ୍କ ସହ ଶେଷ ହୋଇଛି ।

ଏହି ବିବାହ ଅବସରରେ ନବୀନ ନନ୍ଦଙ୍କ ଧର୍ମପତ୍ନୀ ରଞ୍ଜିତା ନନ୍ଦ, ବୋହୁ ମଧୁସ୍ମିତାଙ୍କ ଦୁଇ ଭାଇ ସୌମ୍ୟରଞ୍ଜନ ଓ ରଶ୍ମିରଞ୍ଜନଙ୍କ ଉପସ୍ଥିତ ଥିଲେ । ସୂଚନା ଥାଉକି, ଗତ ଦେଢ଼ ବର୍ଷ ପୂର୍ବେ ମହାମାରୀ କୋଭିଡରେ ନବୀନ ନନ୍ଦଙ୍କ ପୁଅ ସମ୍ବିତଙ୍କର ଯୁବ ବୟସରେ ଅକାଳ ବିୟୋଗ ହୋଇଥିଲା । ତାଙ୍କର ଗୋଟିଏ ଶିଶୁ କନ୍ୟା ମଧ୍ୟ ଅଛି ।

   Related Posts