ନୂଆଦିଲ୍ଲୀ: ସାଂସଦ ପଦ ଛାଡ଼ିଲେ ବ୍ରିଟେନ୍ ପୂର୍ବତନ ପ୍ରଧାନମନ୍ତ୍ରୀ ବୋରିସ୍ ଜନସନ୍ । ଶୁକ୍ରବାର ଅଚାନକ ସଂସାଦ ପଦରୁ ସେ ଇସ୍ତଫା ଦେଇଛନ୍ତି । ଏହାକୁ ନେଇ ଏବେ ରାଜନୈତିକ ବୟାନବାଜି ଆରମ୍ଭ ହୋଇଛି । ୟୁକେ ସଂସଦରେ ବିରୋଧୀ ଓ ଶାସକ ଦଳ ମଧ୍ୟରେ ଆରୋପ ପ୍ରତ୍ୟାରୋପ ଜାରି ରହିଛି । ବର୍ତ୍ତମାନ ସମୟରେ ବୋରିସ୍ ଜନସନ୍ ନିଜ ରାଜନୈତିକ ଭବିଷ୍ୟତକୁ ନେଇ ସାଂସଦୀୟ ଯାଞ୍ଚର ସାମ୍ନା କରୁଛନ୍ତି । କୋଭିଡ୍-୧୯କୁ ନେଇ ହାଉସ୍ ଅଫ୍ କମନ୍ସରେ ସାଂସଦଙ୍କୁ ଭୁଲ ତଥ୍ୟ ଦେଇଛନ୍ତି ।
wp:embed {"url":"https://www.prameyanews7.com/cbi-arrests-bureaucrat-while-taking-bribe/","type":"wp-embed","providerNameSlug":"prameya-news-7"} /wp:embedଆସନ୍ତା ବର୍ଷ ବ୍ରିଟେନରେ ସାଧାରଣ ନିର୍ବାଚନ ହେବ । ଶାସକ କଞ୍ଜରଭେଟିବ୍ ପାର୍ଟି ମଧ୍ୟରେ ପୁଣି କନ୍ଦଳ ସାମ୍ନାକୁ ଆସିଛି । ତାଙ୍କ ବ୍ୟବହାରକୁ ନେଇକୁ ଯାଞ୍ଚ କରୁଥିବା ସାଂସଦଙ୍କ ବିରୁଦ୍ଧରେ ଜୋରଦାର ବିରୋଧ ପରେ ଆସନ୍ତା ବର୍ଷ ହେବାକୁ ଥିବା ସାଧାରଣ ନିର୍ବାଚନ ପୂର୍ବରୁ ଶାସକ କଞ୍ଜରଭେଟିବ୍ ପାର୍ଟିରେ କନ୍ଦଳ ଦେଖିବାକୁ ମିଳିଛି ।
wp:embed {"url":"https://www.prameyanews7.com/notice-to-xiaomi-india-official-others-over-5551-crore-case/","type":"wp-embed","providerNameSlug":"prameya-news-7"} /wp:embedବୋରିସ୍ ଜନସନ ହାଉସ ଅଫ୍ କମନ୍ସରେ କୋଭିଡ-୧୯କୁ ନେଇ ଭୁଲ୍ ତଥ୍ୟ ଦେଇଥିଲେ । ଡ୍ରାଉନିଂ ଷ୍ଟ୍ରିଟରେ ଲକଡାଉନ-ବ୍ରେକିଙ୍ଗ୍ ପାର୍ଟିମାନଙ୍କ ବିଷୟରେ ଭୁଲ ତଥ୍ୟ ଦେଇ ବିଭ୍ରାନ୍ତ ସୃଷ୍ଟି କରିଥିଲେ । ଏନେଇ ସାସଂଦୀୟ କମିଟି ତାଙ୍କ ବିରୋଧରେ ତଦନ୍ତ କରୁଛି । ଏଭଳି ସମୟରେ ହଠାତ୍ ସାଂସଦ ପଦ ଛାଡ଼ିବାକୁ ନେଇ ଚର୍ଚ୍ଚା ଜୋର୍ ଧରିଛି ।
wp:embed {"url":"https://www.prameyanews7.com/palestinian-president-abbas-to-visit-china-after-mediation-offer/","type":"wp-embed","providerNameSlug":"prameya-news-7"} /wp:embedଇସ୍ତଫା ଦେବା ପୂର୍ବରୁ ଜନସନ୍ କହିଛନ୍ତି, ତାଙ୍କ ବିରୋଧରେ ଯାଞ୍ଚ କରୁଥିବା ବିଶେଷାଧିକାର କମିଟି ପକ୍ଷରୁ ଏକ ଚିଠି ମିଳିଛି । ଯେଉଁଥିରେ ତାଙ୍କୁ ସଂସଦରୁ ହଟାଇବାକୁ ଯୋଜନା ଚାଲିଛି ବୋଲି ଉଲ୍ଲେଖ ରହିଛି । ତାଙ୍କ ରାଜନୈତିକ କ୍ୟାରିୟରକୁ ସବୁଦିନ ପାଇଁ ଶେଷ କରିଦେବା ପାଇଁ କମିଟି କଠୋର ହୋଇଛି । ସଂସଦୀୟ କମିଟି ତାଙ୍କ ପ୍ରତି କଙ୍ଗାରୁ କୋର୍ଟ ଭଳି ବ୍ୟବହାର କରୁଛି ବୋଲି ଜନସନ୍ କହିଛନ୍ତି ।