ନୂଆଦିଲ୍ଲୀ: ଦେଶର ବିଦେଶୀ ମୁଦ୍ରା ଭଣ୍ଡାର ଜୁନ ୨ରେ ଶେଷ ହୋଇଥିବା ସପ୍ତାହରେ ୫.୯୨୯ ବିଲିୟନ ଡଲାର ବଢି ୫୯୫.୦୬୭ ବିଲିୟନ ଡଲାର ହୋଇଛି । ଭାରତୀୟ ରିଜର୍ଭ ବ୍ୟାଙ୍କ ଶୁକ୍ରବାର ଏହି ସୂଚନା ଦେଇଛି । ଏହା ପୂର୍ବରୁ ଲଗାତାର ଦୁଇ ସପ୍ତାହ ବଦେଶୀ ମୁଦ୍ର ଭଣ୍ଡାରରେ ହ୍ରାସ ଘଟିଥିଲା । ଗତ ଦୁଇ ସପ୍ତାହରରେ ବିଦେଶୀ ମୁଦ୍ରା ଭଣ୍ଡାର ମୋଟ ୪.୩୪ ବିଲିୟନ ଡଲାର ହ୍ରାସ ପାଇ ୫୮୯.୧୪ ବିଲିୟନ ଡଲାରକୁ ଖସି ଆସିଥିଲା । ୨୦୨୧ ଅକ୍ଟୋବରରେ ଦେଶର ବିଦେଶୀ ଭଣ୍ଡାର ୬୪୫ ବିଲିୟନ ଡଲାରର ରେକର୍ଡ ସ୍ତରରେ ପହଞ୍ଚିଥିଲା ।

ରିଜର୍ଭ ବ୍ୟାଙ୍କର ସାପ୍ତାହିକ ଡାଟା ଅନୁସାରେ, ଜୁନ ୨ରେ ଶେଷ ହୋଇଥିବା ସପ୍ତାହରେ ବିଦେଶୀ ମୁଦ୍ରା ଭଣ୍ଡାର ଗୁରୁତ୍ୱପୂର୍ଣ୍ଣ ଭାଗ ବିଦେଶୀ ମୁଦ୍ରା ସମ୍ପତ୍ତି ୫.୨୭ ବିଲିୟନ ଡଲାର ବଢି ୫୨୬.୨୦୧ ବିଲିୟନ ଡଲାର ହୋଇଛି । କେନ୍ଦ୍ରୀୟ ବ୍ୟାଙ୍କ କହିଛି ଯେ ଦେଶର ସୁନା ଭଣ୍ଡାରର ମୂଲ୍ୟ ୬୫.୫ କୋଟି ଡଲାର ବଢି ୪୫.୫୫୭ ବିଲିୟନ ଡଲାର ହୋଇଛି ।

ସପ୍ତାହିତ ଡାଟା ଅନୁସାରେ, ବିଶେଷ ଆହରଣ ଅଧିକାର (ଏସଡିଆର) ୬୦ ଲକ୍ଷ ଡଲାର କମି ୧୮.୧୮୬ ବିଲିୟନ ଡାଲର ରହିଛି । ଆଲୋଚ୍ୟ ସପ୍ତାହରେ ଅନ୍ତରାଷ୍ଟ୍ରୀୟ ମୁଦ୍ରା ପାଣ୍ଠିରେ ଥିବା ଦେଶର ମୁଦ୍ରା ଭଣ୍ଡାର ଏକ କୋଟି ଡଲାର ବଢି ୫.୧୨୩ ବିଲିୟନ ଡଲାର ହୋଇଛି ।

Also Read: ଆରବିଆଇର ମୁଦ୍ରା ନୀତି ଘୋଷଣା, ଅପରିବର୍ତ୍ତିତ ରହିଲା ରେପୋ ରେଟ୍