ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମିଶନ୍‌ ଶକ୍ତିକୁ ନେଇ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ବଢ଼ିଲା ଋଣ ପରିମାଣ
  • ||

ଦେଶର ଅର୍ଥନୀତି ପାଇଁ ଅଶୁଭ ଖବର, ଦୁଇ ବର୍ଷର ସର୍ବନିମ୍ନ ସ୍ତରରେ ପହଞ୍ଚିଲା ବିଦେଶୀ ମୁଦ୍ରା ଭଣ୍ଡାର

27/08/2022 at 5:15 PM

ନୂଆଦିଲ୍ଲୀ: ଦେଶର ବିଦେଶୀ ମୁଦ୍ରା ଭଣ୍ଡାର ଦୁଇ ବର୍ଷର ସର୍ବନିମ୍ନ ସ୍ତରରେ ପହଞ୍ଚିଛି । ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ଜାରି କରାଯାଇଥିବା ସଦ୍ୟ ଡାଟା ଅନୁସାରେ, ଅଗଷ୍ଟ ୧୯ରେ ଶେଷ ହୋଇଥିବା ସପ୍ତାହରେ ଦେଶର ବିଦେଶୀ ମୁଦ୍ର ଭଣ୍ଡାର ୬.୬୮୭ ବିଲିୟନ ଡଲାର ହ୍ରାସ ହୋଇ ୫୬୪.୦୫୩ ବିଲିୟନ ଡଲାରରେ ପହଞ୍ଚିଛି । ଏହା ପୂର୍ବରୁ ଅଗଷ୍ଟ ୧୨ରେ ଶେଷ ହୋଇଥିବା ସପ୍ତାହରେ ବିଦେଶୀ ମୁଦ୍ରା ଭଣ୍ଡାରରେ ୨.୨୩୮ କୋଟି ଡଲାର ହ୍ରାସ ସହ ୫୭୦.୭୪ ବିଲିୟନ ଡଲାରରେ ପହଞ୍ଚିଥିଲା ।

ଆରବିଆଇ ଅନୁସାରେ ଅଗଷ୍ଟ ୧୯ରେ ଶେଷ ହୋଇଥିବା ସପ୍ତାହ ଭିତରେ ବିଦେଶୀ ମୁଦ୍ରା ଭଣ୍ଡାରରେ ହୋଇଥିବା ହ୍ରାସର ମୁଖ୍ୟ କାରଣ ବିଦେଶୀ ମୁଦ୍ରା ସମ୍ପତ୍ତି ଏବଂ ସୁନା ଭଣ୍ଡାର କମିବା । ସପ୍ତାହିକ ପରିସଂଖ୍ୟାନ ଅନୁସାରେ, ସପ୍ତାହରେ ଏଫସିଏ ୫.୭୭ ବିଲିୟନ ଡଲାର ହ୍ରାସ ହୋଇ ୫୦୧.୨୧୬ ବିଲିୟନ ଡଲାର ହୋଇଛି । ଏହିପରି ସୁନା ଭଣ୍ଡାରର ମୂଲ୍ୟ ୭୦.୪ କୋଟି ଡଲାର ହ୍ରାସ ହୋଇ ୩୯.୯୧୪ ବିଲିୟନ ଡଲାର ରହିଛି ।

ଚଳିତ ସପ୍ତାହରେ ଅନ୍ତରାଷ୍ଟ୍ରୀୟ ମୁଦ୍ରା ପାଣ୍ଠି ନିକଟରେ ବିଶେଷ ଆହାରଣ ଅଧିକାର(ଏସଡିଆର) ୧୪.୬ କୋଟି ଡଲାର ହ୍ରାସ ହୋଇ ୧୭.୯୮୭ ବିଲିୟନ ଡଲାରରେ ପହଞ୍ଚିଛି । ଅନ୍ୟପଟେ, ଆଇଏମଏଫରେ ଥିବା ଦେଶର ମୁଦ୍ରା ଭଣ୍ଡାର ୫.୮ କୋଟି ଡଲାର ହ୍ରାସ ହୋଇ ୪.୦୩୬ ବିଲିୟନ ଡଲାରରେ ରହିଛି।

   Related Posts