Retail icon award
Retail icon award
728*90
728*90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ହାତୀ ମୃତ୍ୟୁର କାରଣ ଖୋଜୁଛି ବନ ବିଭାଗ, ସ୍ପେଶାଲ ଟାସ୍କଫୋର୍ସ ଟିମ୍‌ର ତଦନ୍ତ

13/04/2023 at 3:27 PM

ଉଦଳା ୧୩।୪: ହାତୀ ମୃତ୍ୟୁ ପରେ ବନ ବିଭାଗର ଚେତା ପଶିଛି । ହାତୀ ମୃତ୍ୟୁର କାରଣ ଖୋଜୁଛି ବନ ବିଭାଗ । କାରଣ ଖୋଜିବା ପାଇଁ ବନ ବିଭାଗ ଉପରିସ୍ଥ ଅଧିକାରୀଙ୍କ ସମେତ ସ୍ପେଶାଲ ଟାସ୍କଫୋର୍ସ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି । ହେଲେ ଏବେ ସୁଦ୍ଧା ପାଉନାହାନ୍ତି ଖିଅ ।

ସୂଚନାଯୋଗ୍ୟ ଯେ, ବୁଧବାର କପ୍ତିପଦା ରେଞ୍ଜ ରାଇପାଳ ବିଟ ପଦ୍ମପୋଖରୀ ବାଘଧରସାହି ଜଙ୍ଗଲରେ ଏକ ଦନ୍ତା ହାତୀର ମୃତଦେହ ପଡିଥିବା ବନ ବିଭାଗ ଖବର ପାଇଥିଲା । ଖବର ପାଇବା ପରେ ବନ ବିଭାଗ ଘଟଣାସ୍ଥଳରେ ପହଞ୍ଚି କେବଳ ମୃତଦେହକୁ ଜବତ କରି ଚାଲି ଆସିଥିଲା । ଗୁରୁବାର ଉକ୍ତ ହାତୀର ମୃତଦେହକୁ ବ୍ୟବଚ୍ଛେଦ କରିବା ନିମନ୍ତେ ପୁରା ବନ ବିଭାଗ ଟିମ୍ ଘଟଣାସ୍ଥଳରେ ପହଞ୍ଚିଛି । ଏହାସହିତ ଭୁବନେଶ୍ୱରରୁ ଏକ ସ୍ପେଶାଲ ଟ୍ୟାସ୍କଫୋର୍ସ ଟିମ୍ ଘଟଣାସ୍ଥଳରେ ପହଞ୍ଚି ହାତୀ ମୃତ୍ୟୁର କାରଣ ଖୋଜୁଛି । ଗୁରୁବାର ହାତୀର ମୃତଦେହ ବ୍ୟବଚ୍ଛେଦ କରାଯିବା ପରେ ହାତୀ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ବନ ବିଭାଗ କହିଛି ।

ଏହି ହାତୀଟିର କୁଲଡିହା ଏବଂ ଶିମିଳିପାଳର ବର୍ଡରରେ ଥିବା ସଂରକ୍ଷିତ ଜଙ୍ଗଲରେ ହିଁ ମୃତ୍ୟୁ ହୋଇଥିବା ବାରିପଦା ଡିଏଫଓ କହିଛନ୍ତି । ଏହା ସହିତ ମୃତ ହାତୀଟି ଦନ୍ତାହାତୀ ହୋଇଥିବା ବେଳେ ତାହାର ବୟସ ୧୫ବର୍ଷ ହେବ ବୋଲି ଅନୁମାନ କରିଛି ବନ ବିଭାଗ । ମୃତ ହାତୀର ଦୁଇ ଦାନ୍ତ ସୁରକ୍ଷିତ ରହିଥିବା ଏବଂ ତାହା ଛୋଟ ଆକାରର ବୋଲି ସୂଚନା ଦେଇଛି ବନ ବିଭାଗ । ତେବେ ହାତୀ ମୃତ୍ୟୁର କାରଣ ଏବେ ସୁଦ୍ଧା ସ୍ପଷ୍ଟ ହୋଇ ନଥିବା ବେଳେ ଶବ ବ୍ୟବଚ୍ଛେଦ ସହିତ ଅଧିକ ତଦନ୍ତ ପରେ ମୃତ୍ୟୁ ପଛରେ ଶିକାରୀ ନା କୌଣସି ରୋଗ ରହିଛି ତାହା ସ୍ପଷ୍ଟ ହେବ ।

   Related Posts