ସୁନ୍ଦରଗଡ଼ ୦୧/୦୩: ବାଘକୁ ଟ୍ରାଙ୍କୁଲାଇଜ କରିବାରେ ବିଫଳ ହେଲା ବନବିଭାଗ। ଲୁଚିଥିବା ସ୍ଥାନରୁ ଅନ୍ୟତ୍ର ପଳାଇଲା ବାଘ। ବଡ଼ଗାଁ ଫରେଷ୍ଟ ରେଞ୍ଜ ଅନ୍ତର୍ଗତ ଟିମନା ପାଖରେ ଦେଖାଦେଇଥିବା ବାଘକୁ ବନ ବିଭାଗ କାବୁ କରିବାକୁ ଚେଷ୍ଠା କଲାବେଳେ ଖସି ଯାଇଛି। ସୂଚନା ଅନୁସାରେ ସକାଳେ ବାଘ ଦେଖାଯିବା ପରେ ବନ ବିଭାଗ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଥିଲା।

ଜାଲ ବିଛାଇବା ସହ ଛେଳି ଓ କୁକୁଡ଼ା ମଧ୍ୟ ରଖାଯାଥିଲା। କିନ୍ତୁ ଶେଷ ମୁହୂର୍ତ୍ତରେ ବାଘଟି ଜାଲ ଉପରୁ ଡେଇଁ ପଲାଇଥିଲା। ତେବେ ରାତିରେ ବାଘକୁ ଠାବ କରିବା ପାଇଁ ପୁଣି ଚେଷ୍ଟା କରାଯିବ ବୋଲି ବନ ବିଭାଗ କହିଛି। ପାଣି ପିଇବାକୁ ପାଇଁ ବାଘ ପୁଣି ବାହାରିପାରେ ତେଣୁ ଲୋକମାନଙ୍କୁ ଘରୁ ନବାହାରିବା ପାଇଁ ଜିଲ୍ଲା ବନଖଣ୍ଡ ଅଧିକାରୀ ଅନୁରୋଧ କରିଛନ୍ତି।