କେନ୍ଦୁଝର ୭।୯: ସାରା ରାଜ୍ୟରେ ଖୁବ୍ଶୀଘ୍ର ନିଯୁକ୍ତି ପାଇବେ ୨ ହଜାର ବନରକ୍ଷୀ । ନିକଟ ଅତୀତରେ ମୁଖ୍ୟମନ୍ତ୍ରୀ ବନ ବିଭାଗର ସମୀକ୍ଷା ବୈଠକରେ ବର୍ତ୍ତମାନ ସାରା ରାଜ୍ୟରେ ୩ ହଜାର ବନରକ୍ଷୀ ପଦବୀ ଖାଲିଥିବା ଜାଣିବା ପରେ ତିନି ମାସ ମଧ୍ୟରେ ସେଥିରୁ ୨ ହଜାର ପଦବୀ ପୂରଣ କରିବାକୁ ନିଷ୍ପତ୍ତି ନିଆଯାଇଛି । ଏଥି ନିମନ୍ତେ ସମସ୍ତ ପ୍ରକାର ପ୍ରସ୍ତୁତି ଆରମ୍ଭ ହୋଇଯାଇଥିବା ସୂଚନା ଦେଇଛନ୍ତ କେନ୍ଦୁଝର ଗସ୍ତରେ ଥିବା ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ।
ବର୍ତ୍ତମାନ ସାରା ରାଜ୍ୟରେ ହାତୀ ମଣିଷ ଲଢେଇ ଚରମ ସୀମାରେ ପହଞ୍ଚିଥିବା ବେଳେ ଭାଲୁ, ହରିଣ, କୁଟୁରା ଆଦି ବନ୍ୟଜନ୍ତୁ ଖାଦ୍ୟ ଅନ୍ବେଷଣରେ ସହର ମୁହାଁ । ଫଳରେ ମଣିଷଙ୍କ ଧନ ଜୀବନ ସହ ବନ୍ୟଜନ୍ତୁ ମଧ୍ୟ ବିପଦରେ ପଡିଛନ୍ତି । ଏହାକୁ ସୁରକ୍ଷା ଦେବାରେ ମୁଖ୍ୟ ବାଧକ ସାଜିଛି ବନରକ୍ଷୀଙ୍କ ଅଭାବ । ଫଳରେ ଏହାର ସୁଯୋଗ ନେଇ କାଠ ମାଫିଆ ଓ ଶିକାରୀ ଅବାଧରେ ଜଙ୍ଗଲରେ ବୁଲୁଛନ୍ତି ଓ ଶୀକାର କରୁଛନ୍ତି, ଜଙ୍ଗଲ ଧ୍ୱଂସ କରୁଛନ୍ତି । ଯାହାକୁ ରୋକ ଲଗାଇବାକୁ ମୋହନ ସରକାର ଅଣ୍ଟା ଭିଡ଼ିଛନ୍ତି । ଫଳ ସ୍ଵରୂପ ତିନି ମାସ ମଧ୍ୟରେ ୨ ହଜାର ବନରକ୍ଷୀ ପଦବୀ ପୂରଣ କରିବେ ବୋଲି କେନ୍ଦୁଝର ଗସ୍ତରେ ଥିବା ଜଙ୍ଗଲ ଓ ପରିବେଶ ମନ୍ତ୍ରୀ କହିଛନ୍ତି ।
You Can Read:
