କୋଚି: ଦୁଇ ବିଦେଶୀ ମହିଳା ପର୍ଯ୍ୟଟକ କେରଳର କୋଚି ସହରରେ ପାଲେଷ୍ଟାଇନ ସମର୍ଥନରେ ଲଗାଯାଇଥିବା ବୋର୍ଡକୁ ନଷ୍ଟ କରୁଥିବା ଏକ ଭିଡିଓ ସାମନାକୁ ଆସିଛି । ଭିଡିଓରେ ଦୁଇ ବିଦେଶୀ ପର୍ଯ୍ୟଟକ ଏବଂ ସ୍ଥାନୀୟ ଲୋକଙ୍କ ମଧ୍ୟରେ ପୋଷ୍ଟରକୁ ନେଇ ଯୁକ୍ତିତର୍କ ମଧ୍ୟ ଶୁଣିବାକୁ ମିଳୁଛି । ୟହୁଦି ଲୋକଙ୍କ ଏହା ଅପମାନ ବୋଲି ଦୁଇ ବିଦେଶିନୀ କହୁଥିବା ଶୁଣିବାକୁ ମିଳୁଛି ।
ଏହି ଘଟଣା ଏପ୍ରିଲ ୧୫ରେ ଘଟିଥିବା ଜଣାପଡ଼ିଛି । ଦୁଇ ବିଦେଶୀ ମହିଳା ପର୍ଯ୍ୟଟକଙ୍କ ନାଁରେ ଫୋର୍ଟ କୋଚି ପୋଲିସରେ ମାମଲା ରୁଜୁ ହୋଇଛି ।
Brave Israeli tourist takes on Palestine supporters in Kammala kadavu, Fort Kochi. When the Israeli lady took down banners supporting Palestine, the locals questioned her and started filming her. She tries to educate them and tell them to stop fake propaganda against Israel. pic.twitter.com/k8nD5Agt6F
— Shubha Sreedharan (@ShubhaSreedhar2) April 17, 2024
ସାମନାକୁ ଆସିଥିବା ଭିଡିଓରେ ଦେଖିବାକୁ ମିଳୁଛି ଯେ ଦୁଇ ପର୍ଯ୍ୟଟକ ଫୁଟପାଥ ଉପରେ ଛିଡ଼ା ହୋଇଛନ୍ତି । ସେମାନଙ୍କ ଚାରିପଟେ ପାଲିଷ୍ଟାଇନ ସମର୍ଥନର ପୋଷ୍ଟର ସବୁ ଚିରା ହୋଇ ପଡ଼ିଛି । ଭିଡିଓରେ ଜଣେ ସ୍ଥାନୀୟ ଯୁବକ ଯୁକ୍ତ କରି ଏହି ସମ୍ପତ୍ତିକୁ ତୁମେେ ନଷ୍ଟ କରିଛ ବୋଲି କହୁଥିବା ଶୁଣିବାକୁ ମିଳିଛି । ଏହାସହ ସେମାନଙ୍କୁ ଏହା ସଫା କରିବା ପାଇଁ କହୁଛନ୍ତି । ମହିଳା ପର୍ଯ୍ୟଟକ ମଧ୍ୟ ରାଗି ଯାଇ ସ୍ଥାନୀୟ ଯୁବକଙ୍କ ସହ ପାଟିତୁଣ୍ଡ କରୁଛନ୍ତି । ମହିଳା ଜଣକ କହୁଛନ୍ତି, 'ମୁଁ ଏହା ୟହୁଦି ଲୋକଙ୍କ ପାଇଁ କରିଛି । ତୁମେମାନେ ପ୍ରୋପଗଣ୍ଡା ଏବଂ ମିଛକୁ ବଢାଉଛ ।' ଅନ୍ୟପଟେ ଯେଉଁ ପୋଷ୍ଟରକୁ ନେଇ ଏହି ଘଟଣା ଘଟିଛି, ତାହା ଷ୍ଟୁଡେଣ୍ଟ ଇସଲାମିକ ଅର୍ଗାନାଇଜେସନ ଦ୍ୱାରା ଲଗାଯାଇଥିଲା ।
