oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫାଷ୍ଟଫୁଡ୍ ଦୋକାନରୁ ମାଲିକଙ୍କ ମୃତଦେହ ଉଦ୍ଧାର, ତଦନ୍ତ ଆରମ୍ଭ କଲା ପୋଲିସ୍‌
  • ||
  • ରାୟଗଡ଼ା : ଗୁମ୍ମା ଘାଟିରେ ଦୁର୍ଘଟଣା : ସ୍ୱାମୀ ମୃତ, ସ୍ତ୍ରୀ ଏବଂ ପୁଅ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୯ କୋଭିଡ୍ ପଜିଟିଭ୍
  • ||
  • ମେକ୍ସିକୋ ଧୁଆଁଧାର ଫାୟାରିଂ: ୭ ପୋଲିସ କର୍ମଚାରୀ, ମେୟରଙ୍କ ସମେତ ୧୮ ଜଣଙ୍କ ମୃତ୍ୟୁ
  • ||
  • ଜଲପାଇଗୁଡ଼ିରେ ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ବନ୍ୟାରେ ଭାସି ୭ ମୃତ
  • ||

ଜାମ୍ମୁ-କାଶ୍ମୀର ଏବଂ ଲଦାଖକୁ ଡବ୍ଲୁଏଚ୍‌ଓର ୱେବ୍‌ସାଇଟ୍ ଅଲଗା ଦେଖାଇବା ପ୍ରସଙ୍ଗ‌, ରାଜ୍ୟସଭା ଆଗରେ ଉତ୍ତର ରଖିଲେ ମୁରଲୀଧରନ୍‌

4/02/2021 at 6:29 PM

ନୂଆଦିଲ୍ଲୀ, ୦୪/୦୨: ବିଶ୍ୱ ସ୍ୱାସ୍ଥ୍ୟ ସଂଗଠନ ନିଜ ୱେବ୍‌ସାଇଟ୍‌ରେ ଜାମ୍ମୁ-କାଶ୍ମୀର ଏବଂ ଲଦାଖକୁ ଭାରତର ଅଲଗା ଅଂଶ ଦେଖାଇବା ଘଟଣାକୁ ନେଇ କେନ୍ଦ୍ର ସରକାରଙ୍କ ପକ୍ଷରୁ ବିଶ୍ୱ ସମୁଦାୟ ଆଗରେ ଦୃଢ଼ତାର ପ୍ରତିବାଦ କରାଯାଇଛି । ଯାହାକୁ ନେଇ ଡବ୍ଲୁଏଚ୍‌ଓ ତାର ପୋର୍ଟାଲ୍‌ରେ ସ୍ପଷ୍ଟୀକରଣ ଦେବା ସହିତ ଏହାକୁ ପ୍ରତ୍ୟାଖ୍ୟାନ କରିଛି । ବୈଦେଶିକ-ରାଜ୍ୟ ମନ୍ତ୍ରୀ ଭି ମୁରଲୀଧରନ୍‌ ଏ ନେଇ ରାଜ୍ୟସଭାକୁ ଏକ ଲିଖିତ ପ୍ରଶ୍ନର ଉତ୍ତରରେ ଜଣାଇଛନ୍ତି ।

ରାଜ୍ୟସଭା ପକ୍ଷରୁ ଏନେଇ ଏକ ପ୍ରଶ୍ନ ପଚାରାଯାଇଥିଲା । ଏଥିରେ ଡବ୍ଲୁଏଚ୍‌ଓର ୱେବ୍‌ସାଇଟ୍‌ରେ ଅପ୍‌ଲୋଡ୍‌ ହୋଇଥିବା ନକ୍ସାରେ କେନ୍ଦ୍ରଶାଂସିତ ଅଞ୍ଚଳ ଜାମ୍ମୁ-କାଶ୍ମୀର ଏବଂ ଲଦାଖକୁ ଅଲଗା ଦେଖାଯାଇଥିଲା କି ନାହିଁ ପଚରାଯାଇଥିଲା । ମୁରଲୀଧରନ୍‌ ଏହାକୁ ନେଇ କହିଥିଲେ ଯେ, ଡବ୍ଲୁଏଚ୍‌ଓର ୱେବ୍‌ସାଇଟ୍‌ରେ ଦିଆଯାଇଥିବା ଭୁଲ୍‌ ତଥ୍ୟକୁ ନେଇ ଭାରତ ଉଚ୍ଚ ସ୍ତରରେ ଦୃଢ଼ତାର ସହ ପ୍ରତିବାଦ କରି ବିଶ୍ୱ ସମୁଦାୟ ଆଗରେ ଏହି ମୁଦ୍ଦାକୁ ଉଠାଇଥିଲା । ଏହାର ଜବାବରେ ଜାତିସଂଘ, ଜେନେଭାରେ ସ୍ଥିତ ଭାରତର ସ୍ଥାୟୀ ମିଶନ୍‌କୁ ଡବ୍ଲୁଏଚ୍‌ଓ ତାର ପୋର୍ଟାଲ୍‌ରେ ଏ ସଂପର୍କିତ ଏକ ପ୍ରତ୍ୟାଖ୍ୟାନ ପ୍ରସ୍ତାବ ରଖିଥିବା ସୂଚନା ଦେଇଥିଲା ।

ମୁରଲୀଧରନ୍‌ଙ୍କ ଅନୁସାରେ, ଏହି ପ୍ରତ୍ୟାଖ୍ୟାନ ନୋଟ୍‌ରେ କୁହାଯାଇଥିଲା ଯେ, ଦିଆଯାଇଥିବା ନାମ ଏବଂ ପ୍ରଦର୍ଶିତ ହୋଇଥିବା ସାମଗ୍ରୀ ଦ୍ୱାରା କୌଣସି ଦେଶ, ଏହାର ଭୌଗଳିକ ଏବଂ ପ୍ରାଧୀକରଣର ବୈଧାନିକ ସ୍ଥିତି ଅଥବା ଏହାର ସୀମା ବା ସୀମା ଅଞ୍ଚଳରେ ପରିବର୍ତ୍ତନ ଆଣିବା ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ ରାୟରେ ନାହିଁ ବୋଲି ସ୍ପଷ୍ଟୀକରଣ ରଖାଯାଇଥିଲା । ଏଥିରେ ମାନଚିତ୍ରରେ ଦର୍ଶାଯାଇଥିବା ବିନ୍ଦୁ ବା ଡାସ୍‌‌ ଲାଇନ୍‌ କୌଣସି ଦେଶର ସୀମାର ଅନୁମାନ ମାତ୍ର । ତେଣୁ ଏହା କୌଣସି ଦେଶର ସୀମା ନିର୍ଦ୍ଧାରଣ କରେ ନାହିଁ । ତେବେ ଏହାକୁ ନେଇ ମୁରଲୀଧରନ୍‌ ସୀମାକୁ ସମ୍ପୂର୍ଣ୍ଣ ସଠିକ୍‌ ଭାବେ ଦେଖାଇବାକୁ କେନ୍ଦ୍ର ସରକାର ସ୍ପଷ୍ଟରୂପେ ଡବ୍ଲୁଏଚ୍‌ଓକୁ କହିଥିବା ଜଣାଇଛନ୍ତି ।

   Related Posts