scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମୁମ୍ବାଇ ଦମକଳ ବିଭାଗ ଅଧିକାରୀ ପଦରେ ୨ ମହିଳା, ଇତିହାସରେ ପ୍ରଥମ

12/08/2022 at 5:24 PM

ମୁମ୍ବାଇ ୧୨।୮:  ଦୁଇ ମହିଳା ଅଗ୍ନିସମନ ଅଧିକାରୀଙ୍କୁ ମୁମ୍ବାଇ ଫାୟାର ବ୍ରିଗେଡ୍ (ଏମଏଫବି)ରେ ଷ୍ଟେସନ ଅଧିକାରୀ (ଏସଓ) ଭାବେ ପଦୋନ୍ନତୀ ମିଳିଛି। ଏମଏଫବିରେ କୌଣସି ମହିଳା ଅଧିକାରୀ ଏସଓ ପଦବୀକୁ ପଦୋନ୍ନତି ପାଇବାର ଏହା ପ୍ରଥମ ଘଟଣା। ସହାୟକ ଷ୍ଟେସନ ଅଫିସର ସୁନୀତା ଖୋତ ଏବଂ ଏସ.ଭି.ଭୋର ଏସଓ ଭାବେ ପଦୋନ୍ନତୀ ପାଇଛନ୍ତି। ଏମାନେ ଗତ ୧୦ ବର୍ଷ ହେଲା ମୁମ୍ବାଇ ଫାୟର ବ୍ରିଗେଡରେ କାର୍ଯ୍ୟ କରି ଆସୁଛନ୍ତି। ସେମାନଙ୍କ କାର୍ଯ୍ୟଦକ୍ଷତା ଓ ଅଭିଜ୍ଞତା ଏସଓ ପଦବୀ ସମ୍ଭାଳିବାରେ ସେମାନଙ୍କର ପାଥେୟ ହେବ ବୋଲି କୁହାଯାଇଛି।

ଏହି ଦୁଇ ମହିଳା ଏସଓ ଯଥାକ୍ରମେ ଭାୟଖଲା ଓ ଭଡଲାରେ ନିଯୁକ୍ତ ହେବେ। ଏମଏଫବିଙ୍କ ମୁଖ୍ୟ ଅଗ୍ନିସମ ଅଧିକାରୀ ହେମନ୍ତ ପରବ ଚଳିତବର୍ଷ ୨୩ ଜଣ ଫାୟାରବ୍ରିଗେଡ ଅଧିକାରୀଙ୍କୁ ପଦୋନ୍ନତୀ ଦିଆଯାଇଥିବା କହିଛନ୍ତି। ଏଥିରେ ଦୁଇ ମହିଳା ଅଧିକାରୀ ମଧ୍ୟ ପଦୋନ୍ନତୀ ପାଇଛନ୍ତି। ଷ୍ଟେସନ ଅଫିସର ଭାବେ ପ୍ରଶାସନିକ ଭୂମିକା ନିର୍ବାହ କରିବା ସହିତ ସମ୍ପୂର୍ଣ୍ଣ ଫାୟାର ଷ୍ଟେସନକୁ ଚଳାଇବାକୁ ପଡିଥାଏ। ତେବେ ଏମଏଫବିରେ ଦେଶର ସବୁଠୁ ଅଧିକ ମହିଳା ଆଗ୍ନିକ କାର୍ଯ୍ୟ କରୁଛନ୍ତି ବୋଲି ପରବ କହିଛନ୍ତି। ଏଥିରେ ପ୍ରଥମ ଥର ଦୁଇ ମହିଳା ଅଧିକାରୀ ଏସଓ ପଦବୀକୁ ପଦୋନ୍ନତି ପାଇଛନ୍ତି।

ଏମଏଫବିରେ ୧୧୬ ଜଣ ମହିଳା ଅଗ୍ନିସମନ କର୍ମଚାରୀ କାର୍ଯ୍ୟ କରୁଛନ୍ତି। ଏଥିରେ ୩ ଜଣ ମହିଳା ଅଗ୍ନିସମନ ଅଧିକାରୀ ମଧ୍ୟ ଅଛନ୍ତି। ଏବେ ମହିଳା ଅଧିକାରୀଙ୍କ ପଦୋନ୍ନତୀ ହୋଇଥିବାରୁ ସେମାନଙ୍କୁ ନିଜନିଜ କ୍ଷେତ୍ରରେ ୨୪ ଘଣ୍ଟା ସତର୍କ ରହିବାକୁ ହେବ। ତାଙ୍କ ଦମକଳ କେନ୍ଦ୍ର ସୀମାରେ ଘର ଭୂଷୁଡିଲେ, ନିଆଁ ଲାଗିଲେ କି ଅନ୍ୟ ପ୍ରାକୃତିକ ଆପଦବିପଦରେ ରିଲିଫ ଓ ଉଦ୍ଧାର କାର୍ଯ୍ୟ ପରିଚାଳନା ପାଇଁ ସେମାନଙ୍କୁ ପ୍ରସ୍ତୁତ ରହିବାକୁ ହେବ ବୋଲି ପରବ କହିଛନ୍ତି।

   Related Posts