Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

କରୋନା ମୁକାବିଲା ପାଇଁ ଆଗେଇ ଆସିଲେ ଷ୍ଟାର୍ ଫୁଟ୍‌ବଲର୍ ନେମାର, ଦେଲେ ଏତିକି କୋଟି ଟଙ୍କା

5/04/2020 at 12:27 PM

ବ୍ରାସିଲିଆ ୫।୪: ପ୍ୟାରିସ ସେଣ୍ଟ ଜର୍ମାନ (PSG) ତାରକା ଫୁଟବଲ ଖେଳାଳି ନେମାର କରୋନା ଭାଇରସ୍ ବିରୋଧୀ ଲଢେଇ ପାଇଁ ସହାୟତାର ହାତ ବଢାଇଛନ୍ତି । ଏହି ଖେଳାଳି ବ୍ରାଜିଲରେ କରୋନା ମୁକାବିଲା ପାଇଁ ୧୦ ଲକ୍ଷ ଆମେରିକୀୟ ଡଲାର (ପ୍ରାୟ ୭.୫ କୋଟି ଟଙ୍କା) ଦାନ କରିଛି ।

ବ୍ରାଜିଲର ଟିଭି ନେଟୱାର୍କ SBTର ଏକ ରିପୋର୍ଟ ଅନୁଯାୟୀ, ନେମାର ମିଳିତ ଜାତିସଂଘର ଶିଶୁ ପାଣ୍ଠି (ୟୁନିସେଫ୍) ଏବଂ ଟେଲିଭିଜନ ପ୍ରସାରଣକାରୀ ଲୁସିୟାନୋ ହକ୍ ଦ୍ବାରା ପ୍ରକାଶିତ ଏକ ଅଭିଯାନରେ ଏହି ଦାନ ଦେଇଛନ୍ତି ।

ନେମାରଙ୍କ ଟିମ୍ ପରିଚାଳକ ଏକ ବିବୃତ୍ତିରେ କହିଛନ୍ତି ଯେ, “ଆମେ ଦାନ ଏବଂ ପାଣ୍ଠି ବିଷୟରେ କଦାପି ଆଲୋଚନା କରୁନାହୁଁ । ଏହି ଅଭିଯାନକୁ ବ୍ରାଜିଲର ବିଶ୍ବ ଚାମ୍ପିଅନ୍ ସର୍ଫର ଗ୍ରାବିୟଲ ମେଡିନା ଏବଂ ଅନ୍ୟ ବ୍ରାଜିଲ ସେଲିବ୍ରିଟିମାନେ ସମର୍ଥନ କରିଛନ୍ତି ।”

ନେମାର ବିଶ୍ବର ସବୁଠୁ ଅଧିକ ପାରଶ୍ରମିକ ପାଉଥିବା ଫୁଟବଲ ଖେଳାଳି ମାନଙ୍କ ମଧ୍ୟରୁ ଅନ୍ୟତମ । ପ୍ୟାରିସ ସେଣ୍ଟ-ଜର୍ମାନ (PSG) ରେ ରହି ସେ ମାସକୁ ତିନି ମିଲିୟନ ୟୁରୋ (୩.୨ ମିଲିୟନ ଡଲାର) ରୋଜଗାର କରୁଥିବା କୁହାଯାଉଛି ।

ସୂଚନାଯୋଗ୍ୟ ଯେ, ବ୍ରାଜିଲରେ ଏପର୍ଯ୍ୟନ୍ତ ୯,୦୦୦ଜଣ କରୋନା ଭାଇରସ୍ ଦ୍ବାରା ଆକ୍ରାନ୍ତ ହୋଇଥିବାବେଳେ ୩୫୯ ଜଣଙ୍କର ମୃତ୍ୟୁ ଘଟିଛି ।

   Related Posts