Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିମିଳିପାଳ ଉପରମୁଣ୍ଡରେ ପ୍ରବଳ ବର୍ଷା, ଖୋଲିଲା କାଳ ଡ୍ୟାମ୍ ଗେଟ୍
  • ||
  • ପାଣି ଘେରରେ ଚାନ୍ଦବାଲି ବ୍ଲକର ୨୦ ଗାଁ, ଦୁର୍ବଳ ନଦୀବନ୍ଧ ପାଇଁ ଚିନ୍ତାରେ ଲୋକେ
  • ||
  • ଦେଶରେ ଉପର ତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୪୦୯୨ କରୋନା ପଜିଟିଭ୍
  • ||
  • ଆଉ ନାହାନ୍ତି ବିଶିଷ୍ଠ ଶିଳ୍ପପତି ତଥା ଭାରତର ୱାରେନ୍ ବଫେଟ୍‌ ରାକେଶ ଝୁନଝୁନୱାଲା: ୬୨ ବର୍ଷ ବୟସରେ ମୁମ୍ବାଇରେ ପରଲୋକ
  • ||
  • ମହାନଦୀ ଫୁଲୁଛି : ବୌଦ୍ଧରେ ବନ୍ୟା ସ୍ଥିତି, ହରଭଙ୍ଗା ବ୍ଲକ୍‌ର ୫୫ ଗାଁ ପ୍ରଭାବିତ
  • ||
  • କୁଲଗାମରେ ଆତଙ୍କବାଦୀଙ୍କ ଗ୍ରେନେଡ୍ ମାଡ, ଜଣେ ପୋଲିସ କର୍ମୀ ସହିଦ
  • ||
  • ଏସିଆ କପ୍ ପାଇଁ କୋହଲି ପ୍ରସ୍ତୁତ : ଇନଡୋର୍ ଷ୍ଟାଡିୟମରେ କଲେ ଜୋରଦାର ଅଭ୍ୟାସ
  • ||

ବାରବାଟି ଫୁଟବଲ୍ ଚାମ୍ପିୟନ୍‌ସିପ୍‌କୁ ପ୍ରଂଶସା କଲେ ବାଇଚୁଙ୍ଗ ଭୂତିଆ, କହିଲେ ଏହା ପ୍ରତିଭାମାନ ଆଦିବାସୀ ଫୁଟବଲରଙ୍କୁ ପରିଚୟ ଦେବ

5/03/2020 at 7:10 PM

କଟକ ୦୫।୦୩: ଫୁଟବଲ୍‌ ମାଧ୍ୟମରେ ଜନଜାତିର ଲୋକ ମାନଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରିବାକୁ ସରକାରଙ୍କ ପ୍ରୟାସ । ବାରବାଟୀ ଷ୍ଟାଡିୟମରେ ଆୟୋଜିତ ହୋଇଯାଇଛି ଫୁଟବଲ ଚାମ୍ପିୟନସିପ୍‌ । ଏପରି ଫୁଟବଲ ଚାମ୍ପିଅନସିପ୍ ଲୋକଲୋଚନକୁ ଆସିପାରୁନଥିବା ଅନେକ ପ୍ରତିଭାବାନ ଆଦିବାସୀ ଖେଳାଳୀଙ୍କୁ ଜାତୀୟ ଓ ଅନ୍ତର୍ଜାତୀୟ ସ୍ତରରେ ପହଞ୍ଚାଇ ପାରିବ ବୋଲି କହିଛନ୍ତି ଅନ୍ତର୍ଜାତୀୟ ଖ୍ୟାତି ସମ୍ପନ୍ନ ଫୁଟବଲ ତାରକା ବାଇଚୁଙ୍ଗ ଭୂତିଆ।

ସେହିଭଳି ପ୍ରତିଭାବାନ ଆଦିବାସୀ ଖେଳାଳୀଙ୍କୁ ଆଗକୁ ଆଣିବା ପାଇଁ ଆଦିବାସୀ ମନ୍ତ୍ରାଳୟ ଓ ଫୁଟବଲ ଆସୋସିଏସନ ଅଫ୍ ଓଡିଶା ବା ଫାଓ ମଧ୍ୟରେ ବୁଝାମଣା ପତ୍ର ସ୍ବାକ୍ଷରିତ ହେବ ବୋଲି ଫାଓ ସମ୍ପାଦକ ସୂଚନା ଦେଇଛନ୍ତି ।

ପାରମ୍ପରିକ ନାଚଗୀତ ଆଦିବାସୀ ସଂସ୍କୃତର ଏକ ଝଲକ । ଆଉ ଏଭଳି ନାଚଗୀତ ସହ ବାରବାଟୀ ଷ୍ଟାଡିୟମରେ ଆୟୋଜିତ ହୋଇଯାଇଛି ଆଦିବାସୀ ଫୁଟବଲ ଚାମ୍ପିୟନସିପ୍‌ । ଆଦିବାସୀ ମାନଙ୍କୁ ସମାଜର ଆଗଧାଡିକୁ ଆଣିବାକୁ  ପ୍ରୟାସ କରିଛନ୍ତି ରାଜ୍ୟ ସରକାର । ରାଜ୍ୟର ୧୦ଟି ଜିଲ୍ଲାର ଆଦିବାସୀ ପିଲାମାନଙ୍କୁ ନେଇ ଆୟୋଜିତ ହୋଇଥିଲା ସୋସିଆଲ ଡେପଲଭମେଣ୍ଟ କାଉନସିଲ ଫୁଟଵଲ ଚାମ୍ପିଅନସିପ୍  । ଏହି ଫାଇନାଲ ମ୍ୟାଚରେ ମହିଳା ଓ ପୁରୁଷ ବର୍ଗରେ ସୁନ୍ଦରଗଡ ଚାମ୍ପିଅନ୍ ହୋଇଛି। ଏପରି ଆୟୋଜନ ନୂଆ ପ୍ରତିଭାଙ୍କୁ ଜାତୀୟ ଓ ଅନ୍ତର୍ଜାତୀୟ ସ୍ତରକୁ ଆଣିବାରେ ସହାୟକ ହେବ ବୋଲି ଫୁଟବଲ ଫାଇନାଲରେ ଅତିଥି ଭାବେ ଭାଗ ନେଇଥିବା ପ୍ରସିଦ୍ଧ ଫୁଟବଲ ତାରକା ବାଇଚୁଙ୍ଗ ଭୂତିଆ କହିଛନ୍ତି । ସେପଟେ ପ୍ରତିଭାବାନ୍ ଆଦିବାସୀ ଖେଳାଳୀଙ୍କୁ ଆଗକୁ ଆଣିବା ପାଇଁ ସ୍ବତନ୍ତ୍ର ପଦକ୍ଷେପ ନିଆଯାଉଛି ବୋଲି ଫାଓ ପକ୍ଷରୁ କୁହାଯାଇଛି।

ଫୁଟବଲ ଚାମ୍ପିୟନସିପ୍‌ର ଉଦଯାପନୀ ଉତ୍ସବରେ ବିଜୟୀ ଦଳକୁ ପୁରସ୍କୃତ କରିଥିଲେ ମୁଖ୍ୟମନ୍ତ୍ରୀ । ସେହିପରି ବାରବାଟୀ ରେ ଚାଲିଥିବା ଆଦିବାସୀ ନୃତ୍ୟ ଓ ସଙ୍ଗୀତ ଉତ୍ସବ ‘ଡଙ୍ଗର ନାଚ’ ମଧ୍ୟ ଉଦଯାପିତ ହୋଇଛି। ଏହି ଅବସରରେ ବିଭିନ୍ନ ଜିଲ୍ଲାର ପାରମ୍ପାରିକ ଆଦିବାସୀ ନାଚ ଗୀତ ଦେଖିବାକୁ ମିଳିଥିଲା। ବାରବାଟୀ ରେ ଆୟୋଜିତ ଏହି ଉତ୍ସବରେ କ୍ରୀଡାମନ୍ତ୍ରୀ,ସଂସ୍କୃତି ମନ୍ତ୍ରୀ ଓ ଆଦିବାସୀ ମନ୍ତ୍ରୀ ମଧ୍ୟ ଯୋଗ ଦେଇଥିଲେ।

   Related Posts