ଢେଙ୍କାନାଳ, ୨୫/୦୮: ଫୁଡ କମିଶନର ପ୍ରମୋଦ କୁମାର ମରକ୍ୟାପ ଦିନିକିଆ ଗସ୍ତରେ ଢେଙ୍କାନାଳ ଆସି ଜିଲ୍ଲାର ବିଭିନ୍ନ ଅଞ୍ଚଳ ବୁଲିଛନ୍ତି । ଏହି ଅବସରରେ ସ୍ଥାନୀୟ ସର୍କିଟ ହାଉସରେ ଜିଲ୍ଲାପାଳ କମିଶନରଙ୍କୁ ସ୍ୱାଗତ କରିଥିଲେ । ପରେ କମିଶନର କାମାକ୍ଷାନଗର ଉପଖଣ୍ଡ ଗସ୍ତ କରି ରାଏନରସିଂହପୂରଠାରେ ଖାଦ୍ୟ ସୁରକ୍ଷା ଯୋଜନାରେ ହିତାଧିକାରିଙ୍କୁ ପଚାରି ବୁଝିବା ସହ ଖାଦ୍ୟର ମାନ ମଧ୍ୟ ପରଖିଥିଲେ।
ଏହା ପରେ ମହୁଲି, ଆଲୁଅଝରଣ, ଦଧିଖାଇ ଠାରେ ମିଶନଶକ୍ତି ଓ ମୋ ବଗିଚା ମାଧ୍ୟମରେ ଲୋକମାନଙ୍କୁ ଯୋଗାଇ ଦିଆଯାଇଥିବା ଋଣ ସାହାଯ୍ୟରେ କରିଥିବା ଛତୁଚାଷ, ମକ୍କାଚାଷ ଗୁଡିକୁ କମିଶନର ବୁଲି ଦେଖିବା ସହ ଉତ୍ପାଦନ, ମକ୍କାର ବଜାରରେ କିପରି ସୁବିଧାରେ ବିକ୍ରି ହୋଇପାରିବ ସେ ବ୍ୟବସ୍ଥା କରିବା ନେଈ ଆଲୋଚନା ମଧ୍ୟ କରିଥିଲେ । ପରେ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଦିଆଯାଉଥିବା ଖାଦ୍ୟର ସ୍ଥିତି ପରଖିଥିଲେ ।
ପରେ ଜିଲ୍ଲାର ପଦାଧିକାରୀଙ୍କୁ ନେଇ ଜିଲ୍ଲା ସଭାଗୃହରେ ଖାଦ୍ୟ ସୁରକ୍ଷା ଯୋଜନାର ସ୍ଥିତି ସମୀକ୍ଷା କରିଥିଲେ । କମିଶନଙ୍କ ଏହି ଗ୍ରସ୍ତ ସମୟରେ ଢେଙ୍କାନାଳ ଜିଲ୍ଲାପାଳ ସରୋଜ ସେଠି, ଉପଜିଲ୍ଲାପାଳ, ପ୍ରକଳ୍ପ ନିର୍ଦ୍ଦେଶକ, ବିଡିଓ, ସରପଞ୍ଚ, ଯୋଗାଣ ଅଧିକାରୀ ଏବଂ ସିଡିପିଓଙ୍କ ସମେତ ଜିଲ୍ଲାର ବିଭିନ୍ନ ଅଧିକାରୀ ଉପସ୍ଥିତ ଥିଲେ।
