ଝାରସୁଗୁଡା ୨୫/୧୦: ଝାରସୁଗୁଡ଼ାରେ ଘନ କୁହୁଡିର ଆସ୍ତରଣ । ଫଳର ଜନଜୀବନ ବାଧାପ୍ରାପ୍ତ ହୋଇଛି । ଦିପାବଳୀ ଶେଷ ହେବା ପରେ ଆଜି ସକାଳୁ ଚାରିଆଡ଼େ କୁହୁଡ଼ିର ଆସ୍ତରଣ ଦେଖିବାକୁ ମିଳିଛି । ସକାଳୁ ସକାଳୁ କୁହୁଡ଼ିର ମାତ୍ରା ଏତେ ଅଧିକ ଥିଲା ଜାତୀୟ ରାଜପଥରେ ଯାନବାହାନ ଚଳାଚଳରେ ଅସୁବିଧା ସୃଷ୍ଟି ହୋଇଥିଲା ।
ସକାଳ ୯ଟା ପର୍ଯ୍ୟନ୍ତ ଚାରିଆଡ଼େ କୁହୁଡ଼ି ଲାଗି ରହିଥିଲା । ଜାତୀୟ ରାଜପଥରେ ଗାଡି ଚାଳକଙ୍କୁ ଲାଇଟ୍ ଲଗାଇ ଗାଡି ଚଳାଉଥିବା ଦେଖାଯାଇଥିଲା । ଚଳିତ ବର୍ଷ ଏଭଳି କୁହୁଡ଼ି ପ୍ରଥମ ଥର ପାଇଁ ଦେଖାଯାଇଛି । ଦିପାବଳୀ ପରେ ଏତେ ପରିମାଣର କୁହୁଡ଼ି ଦେଖି ଦିଲ୍ଲୀ ଭଳି ଝାରସୁଗୁଡାରେ ମଧ୍ୟ ବାଣ ଫୁଟାଇବା ଯୋଗୁଁ ପ୍ରଦୂଷଣର ମାତ୍ରା ଅଧିକ ବଢ଼ିଥିବା କୁହାଯାଇଛି ।