ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

ୟୁପିରେ ବନ୍ୟା ସ୍ଥିତି ସଂଗୀନ: ଦକ୍ଷିଣ ଭାରତରେ ବର୍ଷାରେ ବେହାଲ ଲୋକେ, ସ୍କଲ, କଲେଜ୍ ଛୁଟି

31/08/2022 at 12:05 AM

ବେଙ୍ଗାଲୁରୁ: ମୌସୁମୀ ପ୍ରଭାବରେ ଦେଶର ଅନେକ ରାଜ୍ୟରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଉତ୍ତର ପ୍ରଦେଶରେ ଲକ୍ଷାଧିକ ଲୋକ ବନ୍ୟା ଦ୍ୱାରା ପ୍ରଭାବିତ ହୋଇଥିବା ବେଳେ ଦକ୍ଷିଣ ଭାରତ ରାଜ୍ୟଗୁଡ଼ିକରେ ପ୍ରବଳ ବର୍ଷା ସହରମାନଙ୍କରେ କୃତିମ ବନ୍ୟା ସୃଷ୍ଟି କରିଛି। ଏପଟେ ପାଣିପାଗ ବିଭାଗ ଆହୁରି ବର୍ଷା ହେବା ନେଇ ପୂର୍ବାନୁମାନ କରିବା ସହ ସତର୍କ ସୂଚନା ଜାରି କରିଛି।

ତେଲେଙ୍ଗାନାରେ ଆଜି ପ୍ରବଳ ବର୍ଷା ହେବାର ସମ୍ଭାବନା ରହିଥିବା ବେଳେ କର୍ଣ୍ଣାଟକର ଉତ୍ତର ଉପକୂଳଭର୍ତ୍ତି ଉପାନ୍ତ ଅଞ୍ଚଳଗୁଡ଼ିକରେ ଆସନ୍ତା ୩ ଦିନ ଧରି ପ୍ରବଳ ବର୍ଷା ହେବା ନେଇ ପାଣିପାଗ ବିଭାଗ କହିଛି।

ତାମିଲନାଡୁ ଓ କର୍ଣ୍ଣାଟକର ଦକ୍ଷିଣ ଉପାନ୍ତ ଅଞ୍ଚଳଗୁଡ଼ିକରେ ମଧ୍ୟ ୫ ଦିନ ଧରି ବର୍ଷା ଜାରି ରହିବ ବୋଲି ସୂଚନା ମିଳିଛି। ବର୍ଷା ପୂର୍ବାନୁମାନ ଦେଖି ପାଣି ଜମୁଥିବା ସ୍ଥାନମାନଙ୍କରୁ ଲୋକଙ୍କୁ ଉଦ୍ଧାର କରିବା ପାଇଁ ପ୍ରଶାସନ ପ୍ରସ୍ତୁତି ଆରମ୍ଭ କରିଦେଇଛି। ଲଗାତର ଦୁଇଦିନ ଧରି  ବର୍ଷା ହେବା ନେଇ ପାଣିପାଗ ବିଭାଗ କହିଛି। ଅଲପ୍ପୁଝା, ପଥନମଥିଟ୍ଟା, ଏର୍ଣ୍ଣାକୁଲମ ଏବଂ କୋଟାୟାମ ଜିଲ୍ଲାରେ ବର୍ଷାରେ ଜନଜୀବନ ଅସ୍ତବ୍ୟସ୍ତ ହେଉଥିବା ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେଉଛି।

ଏପଟେ ବର୍ଷା ଯୋଗୁ କର୍ଣ୍ଣାଟକରେ ୭ ହଜାର କୋଟିରୁ ଅଧିକ ସମ୍ପତ୍ତି ନଷ୍ଟ ହୋଇଯାଇଥିବା କର୍ଣ୍ଣାଟକ ସରକାର ଆକଳନ କରିଛନ୍ତି। ଜୁନ ମାସଠାରୁ ଏପର୍ଯ୍ୟନ୍ତ ରାଜ୍ୟରେ ୭,୬୪୭.୧୩ କୋଟି ଟଙ୍କା ନଷ୍ଟ ହୋଇଥିବା କର୍ଣ୍ଣାଟକ ସରକାର କହିଛନ୍ତି। ସେହିପରି ରେଭିନ୍ୟୁ ମନ୍ତ୍ରୀଙ୍କ ସୂଚନା ଅନୁସାରେ, ଜୁନ ଠାରୁ ଏପର୍ଯ୍ୟନ୍ତ ୯୬ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ନିଖୋଜ ହୋଇଯାଇଛନ୍ତି। ଗତ ୨୪ ଘଣ୍ଟାରେ ବି ୩ ଜଣଙ୍କର ମୃତ୍ୟୁ ହୋଇଛି।

ସେପଟେ ସୋମବାରଠାରୁ ଏପର୍ଯ୍ୟନ୍ତ ବେଙ୍ଗାଲୁରୁରେ ବର୍ଷା ଲାଗି ରହିଛି। ପ୍ରବଳ ବର୍ଷା ଯୋଗୁ ସ୍ଥିତି ସୋଚନୀୟ ହୋଇପଡ଼ିଥିବାରୁ ବେଙ୍ଗାଲୁରୁ ଡିଷ୍ଟ୍ରିକ୍ଟକ୍‌ କମିଶନର କେ ଶ୍ରୀନିବାସ ଛୁଟି ଘୋଷଣା କରିଛନ୍ତି। ଏନେଇ ଏଏନ୍‌ଆଇକୁ ସୂଚନା ଦେଇ ଶ୍ରୀ ଶ୍ରୀନିବାସ କହିଛନ୍ତି “ ସମୋବାର ଠାରୁ ପ୍ରବଳ ବର୍ଷା ହୋଇଥିବାରୁ ବେଙ୍ଗାଲୁରୁର ଅନେକ ସ୍ଥାନରେ ପାଣି ଜମି ରାସ୍ତା ଜାମ ହୋଇଛି। ଗଛପତ୍ର ବି ଉପୁଡ଼ି ପଡ଼ିଛି। ପ୍ରବଳ ବର୍ଷା ପାଇଁ ବେଙ୍ଗାଲୁରୁରେ ସ୍କୁଲ କଲେଜ୍‌ ଛୁଟି କରାଯାଇଛି।”

ସେହିପରି ଉତ୍ତର ପ୍ରଦେଶରେ ବି ବନ୍ୟା ସ୍ଥିତି ସଂଗୀନ ରହିଛି।  ବନ୍ୟା ଯୋଗୁ ରାଜ୍ୟରେ ୨.୪ ଲକ୍ଷ ଲୋକ ପ୍ରଭାବିତ ହୋଇଥିବା ବେଳେ ୧୦୦୦ ଗାଁ ଓ ୨୨ ଜିଲ୍ଲା କ୍ଷତିଗ୍ରସ୍ତ ହୋଇଛି।

   Related Posts