ଝାରସୁଗୁଡ଼ା ୧୫।୦୮: ରାଜ୍ୟରେ ଏବେ ବନ୍ୟା ସ୍ଥିତି । ଉପରମୁଣ୍ଡ ଓ ତଳମୁଣ୍ଡରେ ବର୍ଷା ଲାଗି ସବୁ ନଦୀର ଜଳସ୍ତର ବଢିବାରେ ଲାଗିଛି । ଏହିକ୍ରମରେ ମଧ୍ୟ ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକର ୪ଟି ଗାଁରେ ବନ୍ୟା ସ୍ଥିତି ଦେଖାଦେଇଛି । ଲଖନପୁର ବ୍ଲକର ସୁଖାସୋଢା, ସେମଲିଆ, ଚିଖିଲି, ମୁହୁଦୀ ଗାଁର  ନିକଟକୁ ଆସିଲାଣି ବନ୍ୟା ଜଳ l ଯାହାକୁ ଦୃଷ୍ଟିରେ ରଖି ଆଗୁଆ ପଦକ୍ଷେପ ନେଇଛି ଜିଲ୍ଲା ପ୍ରଶାସନ । ଖାସ୍‌ କରି ଗାଁ ନିକଟରେ ଅସ୍ଥାୟୀ କ୍ୟାମ୍ପ କରିଛି ପ୍ରଶାସନ l ସୁଖାସୋଢା ଗାଁର ୭ ପରିବାରର ୩୦ ଜଣ, ସେମଲିଆରେ ୯ ପରିବାରର ୩୫ଜଣ, ଶରଧାରେ ୧୦ ପରିବାରର ୪୦ ଜଣ ଏବଂ ଚିଖିଳିର ୫ ପରିବାରର ୧୫ ଜଣଙ୍କୁ କ୍ୟାମ୍ପରେ ରଖାଯାଇଛି ।