oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଓଡିଶା ଗ୍ରାମ୍ୟବ୍ୟାଙ୍କର ମ୍ୟାନେଜର ମୃତ, ଗୁରୁତର ଡାକ୍ତରଖାନାରେ ଭର୍ତ୍ତି
  • ||
  • ଭଦ୍ରକ ଜିଲ୍ଲାପାଳ କାର୍ଯ୍ୟାଳୟରୁ ସୂଚନା, ଧାମନଗର ଉପନିର୍ବାଚନ ପାଇଁ ଲାଗୁ ହେଲା ଆଦର୍ଶ ଆଚରଣ ବିଧି
  • ||
  • ଅଗ୍ନିଶ୍ଵର ମନ୍ଦିର ଉପରେ ଚଢ଼ିଗଲେ ପୂଜକ, ସିଂହଦ୍ୱାର ଥାନାରେ ଅଟକ ରଖିଲା ପୋଲିସ୍‌
  • ||
  • ଅରୁଣାଚଳ ପ୍ରଦେଶ: ତଓ୍ୱାଙ୍ଗରେ ସେନା ହେଲିକପ୍ଟର କ୍ରାସ୍, ପାଇଲଟଙ୍କ ମୃତ୍ୟୁ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୮ କୋଭିଡ୍ ପଜିଟିଭ୍
  • ||
  • ବୌଦ୍ଧ : ଲୁଗା ଶୁଖାଇବା ହେଲା କାଳ, ବିଦ୍ୟୁତ ଆଘାତରେ ଚାଲିଗଲା ତିନିଜଣଙ୍କ ଜୀବନ
  • ||
  • ଲଘୁଚାପ ପ୍ରଭାବରେ ଭିଜୁଛି ସାରା ରାଜ୍ୟ, ଭଦ୍ରକରେ ରେକର୍ଡ ସଂଖ୍ୟକ ବର୍ଷା
  • ||
  • ବାରାମୁଲ୍ଲାରେ ଶୋପିଆନ୍‌ରେ ଏନକାଉଣ୍ଟର: ୩ ଆତଙ୍କବାଦୀ ନିପାତ, ମୁଲୁରେ କମ୍ୱିଂ ଜାରି
  • ||

ବନ୍ୟାରେ ଯାଜପୁର ବେହାଲ,ବ୍ରାହ୍ମଣୀ ଓ ଖରସ୍ରୋତାରେ ୧୫ ଘାଇ, ବାଲେଶ୍ୱର ଓ ଭଦ୍ରକରେ ପାଣି କମୁଛି କିନ୍ତୁ ଦୁର୍ଦ୍ଦଶା ଯାଇନି

28/08/2020 at 8:31 PM

ଭୁବନେଶ୍ୱର, ୨୮।୦୮: ଜଟିଳ ହେଉଛି ଯାଜପୁର ସ୍ଥିତି । ଦୁର୍ଦ୍ଦଶା ବଢାଇଛି ବ୍ରାହ୍ମଣୀ, ଖରସ୍ରୋତା । ୧୫ ଟି ସ୍ଥାନରେ ହୋଇଛି ଘାଇ । ବେହାଲ ହେଲାଣି ଲୋକଙ୍କ ଅବସ୍ଥା । ରସୁଲପୁର ବ୍ଲକ ବନ୍ଧଡିହିର । ବନ୍ୟା ମାଡରେ ତାସ ଘର ଭଳି ଭୁସୁଡି ପଡୁଛି ୨ ମହଲା କୋଠା । ପାଣିରେ ସ୍ରୋତ ଏଠି କେତେଯେ ପ୍ରଖର ତାହା ବୟାନ କରୁଛି ଏ ଦୃଶ୍ୟ । ବରୀ, ରସୁଲପୁର  ଏବଂ ଯାଜପୁର ବ୍ଲକ ସ୍ଥିତି ସଂଗୀନ ହେବାରେ ଲାଗିଛି । ବରୀକୁ ଏକ ପ୍ରକାର ଯୋଗାଯୋଗ ବିଚ୍ଛିନ ହୋଇଯାଇଛି । ଗାଁରେ ପାଣି ପଶିଯିବାରୁ ଅନେକ ଲୋକେ ଗୃହପାଳିତ ପଶୁଙ୍କୁ ଧରି ନଦୀବନ୍ଧରେ ଆଶ୍ରୟ ନେଇଛନ୍ତି ।  ୧୬୦ ପଞ୍ଚାୟତ ପ୍ରଭାବିତ ହୋଇଥିବା ବେଳେ ୨୫ ହଜାରୁ ଅଧିକ ଲୋକଙ୍କୁ ସ୍ଥାନାନ୍ତର କରାଯାଇଥିବା ଜିଲ୍ଲାପାଳ କହିଛନ୍ତି । ଲକ୍ଷାଧିକ ଲୋକ ଏବେ ଜଳବନ୍ଦୀ ଅଛନ୍ତି । ପଣସା ପଞ୍ଚାୟତ ବେହେରାପାଟଣା ଗାଁରେ ମାଟି କାନ୍ଥ ପଡି ୨ ମାସର ଶିଶୁର ମୃତ୍ୟୁ ହୋଇଛି ।

ବାଲେଶ୍ବର ଏବଂ ଭଦ୍ରକରେ ପାଣି କମିଥିବା ବେଳେ ବଢିଛି ଲୋକଙ୍କ ଦୁର୍ଦ୍ଦଶା । ବୁଡି ଅଞ୍ଚଳ ଲୋକେ ପିଲାଛୁଆଙ୍କୁ ଧରି ଉଚ୍ଚ ସ୍ଥାନରେ ଆଶ୍ରୟ ନେଇଛନ୍ତି । ଜିଲ୍ଲାରେ ସୁବର୍ଣ୍ଣରେଖାକୁ ଛାଡି ଦେଲେ ଅନ୍ୟସବୁ ନଦୀର ଜଳସ୍ତର ହ୍ରାସ ପାଉଛି । ସୁବର୍ଣ୍ଣରେଖା ବନ୍ୟା ଭୋଗରାଇ ଏବଂ ବାଲିଆପାଳ ବ୍ଲକକୁ ବେଶୀ କ୍ଷତିଗ୍ରସ୍ତ କରିଛି । ଏହି ଦୁଇ ବ୍ଲକର ୮୦ରୁ ଅଧିକ ଗାଁ ଜଳମଗ୍ନ ହୋଇଛି । ସେହିପରି ବୈତରଣୀରେ ଜଳସ୍ତର ହ୍ରାସ ପାଇବାରୁ ଭଦ୍ରକ ଜିଲ୍ଲାର ଅନେକ ସ୍ଥାନରେ ସ୍ଥିତି ସୁଧୁରୁଛି । ଭଣ୍ଡାରିପୋଖରୀ ଏବଂ ଧାମନଗରେ କିନ୍ତୁ ସ୍ଥିତି ସୁଧୁରିନି । ଧାମନଗର ବ୍ଲକର ୩୦ ପଞ୍ଚାୟତ ବନ୍ୟା ପାଣିରେ ବୁଡି ରହିଛି । ଭସିଯିବା ବେଳେ ଭିନ୍ନ ଭିନ୍ନ ସ୍ଥାନରୁ ୮ ଜଣଙ୍କୁ ଉଦ୍ଧାର କରାଯାଇଛି ।

ବ୍ରାହ୍ମଣୀ ବନ୍ୟାରେ କେନ୍ଦ୍ରାପଡା ଜିଲ୍ଲା ଆଳି ଏବଂ ପଟ୍ଟାମୁଣ୍ଡାଇ ବ୍ଲକର ୨୦ରୁ ଅଧିକ ପଞ୍ଚାୟତ ଜଳମଗ୍ନ ହୋଇଛି । ଇନ୍ଦୁପୁରଠାରେ ବ୍ରାହ୍ମଣୀ ବିପଦ ସଂକେତ ଉପରେ ପ୍ରବାହିତ ହେଉଛି । କାଣି ଏବଂ ଖରସ୍ରୋତା ନଦୀ ମଧ୍ୟ ଫୁଲିବାରେ ଲାଗିଛି । ତଳି ଅଞ୍ଚଳରୁ ଏଯାଏ ଅଢେଇ ହଜାରରୁ ଅଧିକ ଲୋକଙ୍କୁ ସ୍ଥାନାନ୍ତର କରାଗଲାଣି । ସେହିପରି ଢେଙ୍କାନାଳ ଜିଲ୍ଲାର ଓଡ଼ପଡା, ଭୁବନ, ଗଁଦିଆ ବ୍ଲକରେ ବନ୍ୟା  ପରିସ୍ଥିତି ସୃଷ୍ଟି ହୋଇଛି । ମହାନୀ, ପାଇକା ଏବଂ ଦେବୀ ନଦୀର ଜଳସ୍ତର ବୃଦ୍ଧି ପାଉଥିବାରୁ ଜଗତସିଂହପୁର ଜିଲାରେ ମଧ୍ୟ ବନ୍ୟା ଆଶଙ୍କା ସୃଷ୍ଟି ହୋଇଛି । ସ୍ଥିତିକୁ ଦେଖି ଜିଲ୍ଲା ପ୍ରସାସନ ବ୍ୟାପକ ବ୍ୟବସ୍ଥା କରିଛି । ସରକାରୀ କର୍ମଚାରୀଙ୍କ ଛୁଟି ବାତିଲ କରା ଯାଇଛି । ମହାନଦୀ ଫୁଲୁଥିବାରୁ ବୌଦ୍ଧ, ସୁବର୍ଣ୍ଣପୁରର ଅନେକ ଅଞ୍ଚଳ ଜଳମଗ୍ନ ହୋଇଛି । ବୀର ମହାରାଜାପୁର –ସୋନପୁରକୁ ଗମନାଗମନ ବ୍ୟାହତ ହୋଇଛି।

   Related Posts