scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବୋରଓ୍ୱେଲ୍‌ରେ ପୁଣି କୋମଳ ଜୀବନ, ୧୦ ଘଣ୍ଟାର ପରିଶ୍ରମ ପରେ ରେସ୍‌କ୍ୟୁ ଅପରେସନ୍‌ ସଫଳ

6/12/2023 at 8:18 AM

ଭୋପାଳ ୦୬।୧୨ : ବୋରଓ୍ୱେଲରୁ ୫ ବର୍ଷର ଶିଶୁ ଉଦ୍ଧାର । ମଧ୍ୟପ୍ରଦେଶ ରାଜଗଡ଼ରେ ଏକ ୩୦ ଫୁଟିଆ ବୋରଓ୍ୱେଲରେ ଫସିଥିବା ଶିଶୁଙ୍କୁ ଉଦ୍ଧାର କରାଯାଇଛି । ୧୦ ଘଣ୍ଟାର ଅକ୍ଲାନ୍ତ ପରିଶ୍ରମ ପରେ କୋମଳ ଶିଶୁର ଜୀବନକୁ ସୁରକ୍ଷିତ ଭାବେ ବାହାର କରାଯାଇଛି ।

ଖବର ଅନୁଯାୟୀ, ମଙ୍ଗଳବାର ଦିନ ଅପରାହ୍ନ ସମୟରେ ଶିଶୁ ମାହି ଖେଳୁଥିବା ସମୟରେ ଖୋଲା ଥିବା ବୋରଓ୍ୱେଲ୍‌ରେ ପଡିଯାଇଥିଲେ । ଯାହାପରେ ତୁରନ୍ତ ଅଗ୍ନିଶମ ବାହିନୀ ଏବଂ ସ୍ଥାନୀୟ ପ୍ରଶାସନକୁ ଖବର ଦେଇଥିଲେ ସ୍ଥାନୀୟ ଲୋକେ । ଆଉ ଏହାପରେ ଆରମ୍ଭ ହୋଇଥିଲା ରେସ୍‌କ୍ୟୁ ଅପରେସନ୍‌ । ୩୦ ଫୁଟର ଏହି ବୋରଓ୍ୱେଲ୍‌ରେ ଶିଶୁଟି ପଡିଥିବା ବେଳେ କିପରି ତାକୁ ସୁରକ୍ଷିତ ଭାବେ ଉଦ୍ଧାର କରିବେ । ସେନେଇ ଆରମ୍ଭ ହୋଇଥିଲା ପ୍ରସ୍ତୁତି ।

ଶେଷରେ ୧୦ ଘଣ୍ଟାର ଅକ୍ଲାନ୍ତ ପରିଶ୍ରମ ପରେ ରେସ୍‌କ୍ୟୁ ଅପରେସନ୍‌ ସଫଳ ହୋଇଛି । ଆଉ ୫ ବର୍ଷର ଶିଶୁଟିକୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ବିଳମ୍ବିତ ରାତି ପ୍ରାୟ ୨ ଟା ୩୦ ସମୟରେ ଶିଶୁଟିକୁ ଉଦ୍ଧାର କରାଯାଇଥିଲା । ଏହାପରେ ଆମ୍ବୁଲାନ୍ସ ଯୋଗ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା । ଶିଶୁଟି ଏବେ ସୁସ୍ଥ ଥିବା ଜଣାପଡିଛି ।

ତେବେ ଶିଶୁଟିକୁ ଉଦ୍ଧାର ଲାଗି କଠିନ ପରିଶ୍ରମ କରିଥିଲା ଉଦ୍ଧାରକାରୀ ଦଳ । ଏପିରିକି ସ୍ଥାନୀୟ ଲୋକେ ମଧ୍ୟ ଉଦ୍ଧାରକାରୀ ଦଳ ଅଶେଷ ଅଶେଷ ଧନ୍ୟବାଦ ଦେଇଛନ୍ତି । ରାଜଗଡ଼ ଜିଲ୍ଲାପାଳ ନିଜ ଘଟଣାସ୍ଥଳରେ ପହଞ୍ଚି ସମସ୍ତ କାର୍ଯ୍ୟର ତଦାରଖ କରିଥିଲେ । ଏହି ଉଦ୍ଧାର କାମରେ ଏନ୍‌ଡିଆର୍‌ଏଫ୍‌, ଅଗ୍ନିଶମ ବାହିନୀ ଏବଂ ସ୍ଥାନୀୟ ପୋଲିସ ନିୟୋଜିତ ରହିଥିଲେ ।

   Related Posts