scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଚୋରି ଅଭିଯୋଗରେ ମାନସିକ ବିକୃତ ଯୁବକଙ୍କୁ ପିଟିପିଟି ହତ୍ୟା, ପ୍ରାଇଭେଟ୍ ପାର୍ଟ କାଟି ଜାଳିଦେଲେ ୫ ଅଟୋ ଡ୍ରାଇଭର

18/12/2019 at 7:30 AM

ଥିରୁବନ୍ତପୁରମ୍ ୧୮।୧୨: କେରଳ ଥିରୁବନ୍ତପୁରମ୍ ରେ ଚୋରି ଅଭିଯୋଗରେ ଜଣେ ମାନସିକ ବିକୃତ ଯୁବକଙ୍କୁ ଅତି ବୀଭତ୍ସ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି । ୫ଜଣ ଅଟୋ ଡ୍ରାଇଭର ମିଶି ବ୍ୟକ୍ତିଙ୍କୁ ଚୋରି ଅଭିଯୋଗରେ ହତ୍ୟା କରିଛନ୍ତି । ଏତିକିରେ ସେମାନଙ୍କ ମନ ଶାନ୍ତ ହୋଇନଥିଲା । ସଂପୃକ୍ତ ବ୍ୟକ୍ତିଙ୍କ ପ୍ରାଇଭେଟ୍ ପାର୍ଟକୁ କାଟି ଜାଳିଦେଇଥିବା ମଧ୍ୟ ଜଣାପଡିଛି ।

ମୃତ ବ୍ୟକ୍ତି ହେଉଛନ୍ତି ୩୦ବର୍ଷ ବୟସ୍କା ଅଜେଶ । ଅଜେଶ ଜଣେ ମାନସିକ ବିକୃତ ଥିଲେ । ଚୋରି ଅଭିଯୋଗରେ ଅଟୋ ଡ୍ରାଇଭରମାନେ ତାଙ୍କୁ ଅତି ନିର୍ମମ ଭାବେ ଆକ୍ରମଣ କରିବା ପରେ ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧିନ ଅବସ୍ଥାରେ ତାଙ୍କର ସେଠାରେ ମୃତ୍ୟୁ ହୋଇଛି ।

ଏହି ମାମଲାରେ ପୋଲିସ ୫ଜଣ ଅଟୋ ଡ୍ରାଇଭରଙ୍କୁ ଗିରଫ କରିଛି । ପୋଲିସର ସୂଚନା ଅନୁସାରେ ଅଜେଶ ତିରୁବଲମ୍ ଅଞ୍ଚଳରେ ରହୁଥିଲା । ଅଜେଶ ଲୋକମାନଙ୍କର ମୋବାଇଲ ଏବଂ ପର୍ସ ଚୋରି କରୁଥିବା ବହୁ ସମୟରେ ଅଭିଯୋଗ ହେଉଥିଲା । ଯାହା ଫଳରେ ୫ଜଣ ଅଟୋ ଡ୍ରାଇଭର ମିଶି ତାଙ୍କୁ ଆକ୍ରମଣ କରିଥିଲେ ବୋଲି ଜଣାପଡିଛି । ଅଜେଶର ଘର ଦ୍ବାର ନଥିବାରୁ ସେ ବାହାରେ ବସ୍ ଷ୍ଟାଣ୍ଡରେ ଶୋଇ ପଡୁଥିଲା । ଘଟଣା ଦିନ ଅଜେଶ ଥାମନୁର ବସ୍ ଷ୍ଟାଣ୍ଡରେ ଶୋଇଥିଲା । ଶୋଇଥିବା ଅବସ୍ଥାରେ ସେମାନେ ତା ଉପରେ ଆକ୍ରମଣ କରିଥିଲେ । ଡ୍ରାଇଭରମାନେ ମିଶି ଚୋରି କରିଥିବା ଅଭିଯୋଗ କରି ତାଙ୍କୁ ଆକ୍ରମଣ କରିଥିଲେ । ମାତ୍ର ଏତିକିରେ ସେମାନଙ୍କ ରାଗ ଶାନ୍ତ ହୋଇନଥିଲା । ତାଙ୍କ ପ୍ରାଇଭେଟ୍ ପାର୍ଟକୁ କାଟି ଜଳାଇଦେଇଥିଲେ ସେମାନେ । ଗୁରୁତର ଅବସ୍ଥାରେ ଅଜେଶକୁ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।

ଯେତେବେଳେ ଅଜେଶଙ୍କୁ ଅଟୋ ଡ୍ରାଇଭରମାନେ ମିଶି ପିଟୁଥିଲେ ସେହି ବାଟ ଦେଇ ଯାଉଥିବା ଜଣେ ବ୍ୟକ୍ତି ଏସବୁକୁ ନିଜ ମୋବାଇଲରେ ରେକର୍ଡ କରିଦେଇଥିଲେ । ପରେ ସଂପୃକ୍ତ ବ୍ୟକ୍ତି ଜଣଙ୍କ ପୋଲିସ ନିକଟକୁ ଭିଡିଓଟିକୁ ପଠାଇଦେଇଥିଲେ । ଭିଡିଓ ଆଧାରରେ ପୋଲିସ ତଦନ୍ତ ଆରମ୍ଭ କରି ଅଭିଯୁକ୍ତ ୫ ଅଟୋ ଡ୍ରାଇଭରଙ୍କୁ ଗିରଫ କରିଛି ।

   Related Posts