ବଣାଇରେ ମହିଳାଙ୍କୁ ଗଣଦୁଷ୍କର୍ମ ; ୫ଅଭିଯୁକ୍ତଙ୍କୁ ଗିରଫ କଲା ପୋଲିସ
Published By : Prameya-News7 Bureau | October 11, 2018 IST
ସୁନ୍ଦରଗଡ ୧୧|୧୦: ବଣାଇ ଉପଖଣ୍ଡ କେ.ବଳାଙ୍ଗ ଥାନା ଅନ୍ତର୍ଗତ କାଲିକଟ ଜଙ୍ଗଲରେ ଜଣେ ମହିଳାଙ୍କୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଗତକାଲି ସନ୍ଧ୍ୟାବେଳେ ଜଣେ ମହିଳା ମଟୁହନୁମାନରୁ ରେଞ୍ଜଡ଼ା ଯାଉଥିବା ବେଳେ କାଳିକଟ ଜଙ୍ଗଲରେ ପାଞ୍ଚ ଜଣ ତାଙ୍କୁ ଜୋରଜବରଦସ୍ତି ଜଙ୍ଗଲ ମଧ୍ୟକୁ ନେଇଯାଇଥିଲେ । ସେଠାରେ ତାଙ୍କ ସହିତ ଦୁଷ୍କର୍ମ କରିଥିଲେ । ସେ ସେଠାରୁ ଘରକୁ ଫେରି ଏହି ବିଷୟରେ ଥାନାରେ ଜଣାଇଥିଲେ, କେ.ବଲାଙ୍ଗ ପୋଲିସ ଘଟଣାର ତଦନ୍ତ କରି ପାଞ୍ଚ ଜଣଙ୍କୁ ଗିରଫ କରିଛି । ପାଞ୍ଚ ଜଣଙ୍କ ମଧ୍ୟରୁ ଚାରି ଜଣ ରେଞ୍ଜଡ଼ା ଅଞ୍ଚଳର ହୋଇଥିବା ବେଳେ ଜଣେ ମଟୁହନୁମାନ ଅଞ୍ଚଳର।