ଅନ୍ଧାର ରାତିରେ ଚୋରି କରୁଥିଲେ ମାଛ, ଧରାପଡି ଛେଚା ଖାଇଲେ

Published By : Prameya-News7 Bureau | June 09, 2023 IST

ଟାଙ୍ଗୀ ୯।୬: ଅନ୍ଧାର ରାତିରେ ଚୋରି କରୁଥିଲେ ମାଛ । ଧରାପଡି ନିର୍ଧୁମ ଛେଚା ଖାଇଲେ ମତ୍ସ୍ୟଜୀବୀ । ମାଛ ଚୋର ଦୁହେଁ ହେଉଛନ୍ତି ଖୋର୍ଦ୍ଧା ଜିଲ୍ଲାର ଟାଙ୍ଗୀ ନିକଟସ୍ଥ ସୋରଣ-ମାନସିଂହପୁର ଗ୍ରାମର ମତ୍ସ୍ୟଜୀବୀ ।

ସୂଚନାଯୋଗ୍ୟ ଯେ, ଅନ୍ଧାର ରାତିରେ ଚିଲିକାରେ ମାଛଧରା ଜାଲ ବସାଇଥିଲେ ବାପ-ପୁଅ । ରାତି ଉଜାଗର ରହି ମାଛଧରା ଜାଲ ଓ ମାଛ ଜଗୁଥିଲେ । କିନ୍ତୁ ଜାଣି ପାରୁନଥିଲେ ଅନ୍ଧାର ମାଛଧରା ଜାଲ ସହ ସବୁ ମାଛ  କିଏ ଚୋରି କରି ନେଉଛି । ଚୋର ଧରିବାକୁ କେତେକ ମତ୍ସ୍ୟଜୀବୀ ପୁଣି ଚିଲିକା ମଧ୍ୟରେ ମାଛଧରା ଜାଲ ବିଛାଇଲେ । ଯୋଜନା ମୁତାବକ ଚୋର ଧରିବା ପାଇଁ ବିଭିନ୍ନ ସ୍ଥାନରେ ରାତି ଉଜାଗର ରହି ଛପି ରହିଲେ । ଚୋର ଘର ସବୁ ଦିନ ଅନ୍ଧାର ନଥାଏ । ଚୋରି କରିବା ପାଇଁ କେତେକ ମତ୍ସ୍ୟଜୀବୀ ରାତିରେ ଚିଲିକା ମଧ୍ୟରେ ଘୁରି ବୁଲୁଥିଲେ । ଆଉ ସମୟ-ସୁବିଧା ଦେଖି ମାଛଧରା ଜାଲ ସହିତ ମାଛ ଚୋରି କରିବା ବେଳେ ଧରାପଡି ଗଲେ । ଧରାପଡି ଥିବା ମାଛ ଚୋରଙ୍କୁ ନିର୍ଧୁମ ଛେଚିବା ପରେ ଚୋରି ଘଟଣାର ସତକଥା ଓଗାଳି ଦେଲେ ଚୋର ।

ଧରାପଡି ଛେଚା ଖାଇଥିବା ଏହି ମାଛ ଚୋର ଦୁହେଁ ହେଉଛନ୍ତି ଖୋର୍ଦ୍ଧା ଜିଲ୍ଲାର ଟାଙ୍ଗୀ ନିକଟସ୍ଥ ସୋରଣ-ମାନସିଂହପୁର ଗ୍ରାମର ମତ୍ସ୍ୟଜୀବୀ । ଏହି ଚୋର ଦୁହେଁ ଦିନ ବେଳେ ଚିଲିକାରୁ ମାଛଧରା କାର୍ଯ୍ୟ କରନ୍ତି ନାହିଁ ବରଂ ଅନ୍ଧାର ରାତିରେ ଅନ୍ୟର ମାଛ ଓ ମାଛଧରା ଜାଲ ଚୋରି କରିବା ହେଉଛି ଏମାନଙ୍କ ନିଇତି ବେଉସା । ମତ୍ସ୍ୟଜୀବୀ ସଂଘ ପକ୍ଷରୁ ଆଲୋଚନା ପରେ ଆପୋଷ ସମାଧାନ କରାଯାଇଛି । ଥାନାରେ ଅଭିଯୋଗ ହୋଇନାହିଁ ।

You Can Read :

wp:embed {"url":"https://www.prameyanews7.com/kalabisakhi-effect-on-narayanpatna/","type":"wp-embed","providerNameSlug":"prameya-news-7"}
https://www.prameyanews7.com/kalabisakhi-effect-on-narayanpatna/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.